Kaajjado Dhaansa Sidaamu Dagara

breakingfreeSidaamu daga dagase kiironni, dhaggesenni, balchoomu budisenni, miinju miccisenni Itophiyaho afantanno daga giddo jawa dagaati.

Tini jawa daga gashshootu xagare maa’niseenna manaadda daga geeshshi su’manna duuchu ragi lopho diafidhino. Albi sharronna bareende noowa heedheenna, xaa ilamano hakko ayyaana adhite Sidaamu Itophiyaho miinjunni, polotikunninna dagoomitte lophonni leella hasiissannosi deerriwa gotti assate sharrama hanaffunkunni yanna yannitino.

Tenne sharrote giddo muxxe manninke lubbo baantoommo; sadanke hunnanna wolapho wolsine cincinoommo; jajjinkeno baino; dikkonkeno giirantino; xaano sharrono baantanni waagino diuurrino. Ninkeno hendoommowa di”iillinoommo.

Tenne giddo giddoonninna gobbanni duucha jifo iillitinonke. Giddoti hinge layi’nannita ikkitanna gobbaaditi wolqisse noonke. Duucha diro wolaphate meddinsoonniti Sidaamu sharro addi addi korkaatinni gufidhanni keeshshitinonke.

Xa kayinni amandoonniti ayimmate sharro gafa gantanno gede Ma‘linanniwa, Masaa‘linanniwa dagge no. Konnira EjjeettoGobbate_geerraMooteGa‘ronna Geelo Hawaasira woshshidhino.

Sidaamu_Geerri, Moote, Ga’ronna Geelo muli barra Hawaasa xaadde gobbate ikkanni noore masaaltanno yine agarranni. Ikkinohurano, woshshattote barra geerrunni malle techo ga’a yinikkinni egensiishshunni xawinsanniha ikkanno; baalunku hakka geeshsha keeraancho sharronke kaajjinshe, afiinkenni busha fultannokki gede qoropho assino.

Ejjeetto

30/4/2011

Qeelle_Dagankera!
Hawaasa_Sidaama_Itophiya