Sidaamu Hajo Aana Ejjeettote Uurrinsha Xawishsha 

HASAAWA AGURINA HANUKKI DIYINEEMMO!

Riferaandemete barra mure kullanke geeshsha ayeeno diawuutinseemmo!

Sidaamu wolaphate xa’mo xa’me anfanni rarraanseenna koffeenyasi kula hanafinku aganna kiirantino. Afuu geeshshira Xa’monke jawiidi Seera agadhitinote yinanninke ikkinnina Seeru yaanno harinsho gumulle Seera diayiirrinsoonni. Agarre hoongoommo.

Jawiidi Seera(Higge mangiste) ayiirrisse loossanno yine agadhinanni xaano galaalchinannilla hee’noommo.

Yaadigi Songora Xa’mo’ne “Higgemangittaawete, ayiino badhera diqolanno” yinoyiinke! Yaateno gadadu noonsa. Mule assini songorano hattennella lendoonni. Baxxinori lowori dino.

Onkoleessu 15/2011 M.D kawa Wodiidi diigame sasewa woyi shoolewa beehamannotano hare higi manni kayiisanno. Sidaamu xa’mono hojja amadante Riferaandemetenni goofate injiitannota hasaabbino. Seeru harinshono ikka hoogiro.

Riferaandemete barra murroonniyya? Dimurroonni! Mayiira? Hare higi manni dixawisino!

Hare higi manni maa adhe higixa?

Dr. Abiyyi Sidaamu manna hasaawara hasirinotanna manna doorre soyaate! Maaho hasaawisaraati? Danfoonni. Riferaandeme keeshshiisha, Laga Daarra widi daga ledo xalla, xa’monke huna, Rodiimmate xaado ledo, keereho halama…w.k.l aantetenni ikkara dandaanno.

Ejjeetto mayyiituyya??

👉Riferaandemete barra murrikkinni assinanni hasaawa tiyyidhe gibbino!

👉Shawwa hadhe hasaawateno horonta dihasidhanno.

👉Onkoleessa 15/2011 M.D albaanni assinanni hasaawano dihaadhanno.

Hasaawa hasirino manchi qae mare xa’mira noositanna yakka yakkisino meentu ejjeettora dawaro qollikkinni wole doogonni hara budenke dikkino!

Konni daafira

Sidaama ikkinohunna Sidaamu wolapho hasirannohu Hasaawaho yaanni hembeelama dinosi.

Hasaawiseemmo yaannohuno tenne wodho gumulikkinni wo’naalara didandaanno!

Higge mangittete wodho mitte hinge hiiqqiniro, cancantara doogo murte fultino horophillaati!”…Balaxinore tunge, dayiinorira dodama baalanka daafursitanno.

Ayeeno ikko maa, Onkoleessa 15 albaanninna Riferaandemenke barri murame kulamikkinni giwe hasaaweemmo yaannohu Sidaama hirannoho. Baarigaarankeeti.

👉Hasaawiseemmo yaannohuno heeriro deerra deerraho noo ejjeetto qaafo adhate gadadammeemmo!

Aleenni wodhinummo hajo gooffuronna taalturo dagoomaho iillishi’neemmota anfe mulinkenni woy qarqarinkenni milli yitanno lekka agarro!

Tini ilama ayee ganyano dikkitino!

Tenne ilama hasatto, Sidaama wolassate Sharrantanno goofimarchu ilamaati!

Ejjeetto

16/08/2011
Hawaasa,

Sidaama

ETHIOPIA