Category Archives: Press release

ከሲዳማ ጥያቄ ጋር ተያይዞ ለሚደረግ የትኛውም አይነት ድርደር ከሲድማ ኤጄቶች የተሰጠ የአቋም መግለጫ!

የሲዳማ ህዝብ የራሱን ክልል መስርቶ ራሱን በራሱ ለማስተዳደር ከፍተኛ የሆነ የህይወትና የአካል መስዋእትነት ሲከፍል መቆየቱ ይታወቃል።

በዚህ ሂደት በተለያዩ ግዜያት የሲዳማ ህዝብ መብቱን ለማስከበርና ህገ መንግስቱ ገቢራዊ እንዲሆን የሚጠበቅበትን ህገ መንግስታዊ ሂደቶችን ጨርሶ ወሳኝ ደረጃ ከደረሰ በኋላ አላስፈላጊ መደለያዎችንና መደራደሪያዎችን በማቅረብ እንዲሁም ታጋዮችን ነጥሎ በመምታትና በማሸማቀቅ ጥያቄያችንን ለመቀልበስ አደገኛ ፖለቲካዊ ሴራ ሲዘራ እንደነበር ይታወሳል።

አሁን የሲዳማ ህዝብ ጥያቄ የደረሰበት ደረጃና ግዜ ለህጋዊ ጥያቄ ህጋዊ ምላሽ የሚፈልግ እንጂ ድርድር የሚደረግበት አይደለም።

ይሁን እንኳን ቢባል እስከ ዛሬ ኤጄቶ ስያንጸባርቅ ለነበረው ሰላማዊ ተጋድሎ ጆሮ ሳይሰጥ የቆየው የፌደራል መንግስት ዛሬ የራሳችንን ክልል በራሳችን ለማወጅ ቅድመ ዝግጅት እያደረግን ባለንበት ዋዜማ ህዝባችንን ጥርጣሬ ውስጥ ሊያስገባ የሚችል ከፋፋይ ደኢህዴናዊ አጀንዳ በማምጣት ጥያቄያችንን ለመቀልበስ አልያም ጋብ እንዲል የሚደረጉ ርብርቦች መርህ የለሽ እንቅስቃሴዎች ከመሆናቸውም ባለፈ በትግላችን ላይ ምንም አይነት ተጽእኖ የሚፈጥሩ አለመሆናቸው ግልጽ ነው።

በዚህም መነሻነት የሲዳማ ህዝበ ውሳኔ ቀን ተቆርጦ ለህዝባችን ይፋ እስኪደረግ ከየትኛውም የፌድራል አመራር ጋር ምንም አይነት ድርድር እና ውይይት ለማድረግ ፍቃደኛ አለመሆናችንን አጥብቀን እናሳውቃለን።

ይህ በእንዲህ እናዳለ ህገ መንግስቱ ህዝበ ውሳኔ ለማደራጀት ለክልሉ ም/ቤት የሰጠው ቀነ ገደብ 85 ቀን ብቻ የቀረው ሲሆን በነዚህ ቀሪ ቀናት ውስጥ የሪፈረንደም ቀን ተቆርጦ ወደ ህዝበ ውሳኔ የማይገባ ከሆነ የሲዳማ ዞን ም/ቤት የሲዳማን ብሄራዊ ክልላዊ መንግስት እንዲያጸድቅ አስፈላጊውን ጫና ሁሉ ለመፍጠር የምንቀሳቀስ መሆኑን አጥብቀን እናሳውቃለን።

ሲዳማ

ኤጄቶ

ሃዋሳ

16/08/2011

የሲዳማ ኤጄቶ ዛሬ መጋቢት 19/2011 ዓ.ም ካደረገው አጠቃላይ ስብሰባ ያወጣው መግለጫ ሙሉ ቃል

#የሲዳማ ብሄር በክልል የመደራጀት ጥያቄ በዞኑ ም/ቤት በሙሉ ድምጽ ጽድቆ በህገ መንግስቱ መሰረት በደብዳቤ መልክ ወደ ደቡብ ክልል ም/ቤት ተልኮ ተቀባይነት በማግኘቱ ለህዝበ ውሳኔ አፈጻጸም ወደ ም/ቦርድ መላኩ ይታወሳል። ይህ ከሆነ ወራቶች ተቆጥረዋል። እስከ ዛሬ ድረስ ቦርዱ አንዳች ህገ መግስትስዊ ምላሽ ለህዝባችን ጥያቄ አለመስጠቱ የቦርዱን፡ገለልተኛነት በጥርጣሬ፡ውስጥ እያስገባ ከመሆኑ ባሻገር የህዝቦች ጥያቄ ህገ መንግስታዊ በሆነ መልኩ ምላሽ እንዲያገኝ የሚያስችል ፖለቲካዊ ለውጥ አድርጌያለው እያለ ያለው መንግስት ከህዝባችን ጥያቄ ጎን ከመሰለፍ ይልቅ የህዝበ ውሳኔው ግዜ ኢ ህገ መንግስታዊ እና ጸረ ዴሞክራሲያዊ በሆኑ ተራ ምክንያቶች ይፋ እንዳይደረግ ጥረቶችን እያደረገ ይገኛል።

በዚህ ምክንያት የሲዳማ ኤጄቶ የተለያዩ ሀገር በቀል የትግል ፡ስልቶችን ታክቲኮችን በመጠቀም የህዝብ ድምጽ እንዲሰማ፡ከፍተኛ ጥረት ሲያደርግ ቆይቷል። እስካሁን ድረስ ሀገርን ያስደመሙ ሁለት ታላላቅ ጋዶችን የፈጸምን ሲሆን በዚህም የህዝባችንን ድምጽ በበቂ መልኩ ማሰማት ተችሏል። ያም ሆነ የሚመለከተው አካል አሁንም ለህዝባችን ጩኽት ጆሮ ባለ መስጠት ጥያቄያችንን ችላ ማለቱን እያሳበቀ ይገኛል።

በመሆኑምይ የሪፈረንደም ቀን ሳይገለጽ በዚህ መልኩ በቆየ ቁጥር በሀገር ደረጃም ይሁን በአከባቢያችን ሊፈጥር የሚችለው፡ማህበራዊ ኢኮኖሚያዊ እና ፖለቲካዊ ቀውስ አደገኛ በመሆኑ መንግስት አስቸኳ ምላሽ እንዲሰጥ እንጠይቃለን። መንግስትም ይሁን ምርጫ ቦርዱ በንዲህ ያለ ቸልተኝነት የሚቀጥል ከሆነ ኤጄቶ በቅርቡ 3ኛውን ጋዶ ለማወጅ ዝግጅቱን እንደጨረሰ ለማሳወቅ እንወዳለን።
ይህ በንዲህ እንዳለ ላለፉት በርካታ አመታት የህዝባችንን ሀብት ምክንያታዊ ባልሆነ መልኩ እየዘረፈ በግዞት ያቆየን ደኢህዴን በቅርቡ በህዝባችን ባጠው ቅቡልነት የተነሳ ከሲዳማ ምድር ህላዊ እንዳይሆን መደረጉ ይታወሳል።

ይህ እንዲሆን የተደረገው ድርጅቱ ከህገ መንግስቱ መርህ ውጪ የሆነ አማራጭ በመያዝ ህዝባችንን ለማወክ ከያዘው ግትር አቋም መነሻነት እንደሆነ ግልጽ ነው። ይህ ሆኖ ሳለ ድርጅቱ እንደ ገና አፈር በመቃም ለመንሰራራት የቀደመውን የሴራ መረብ ለመዘርጋት ደፋ ቀና እያለ ይገኛል።

ለዚህ ተልእኮው ይረዳው ዘንድ ቀድሞ ይደረግ እንደነበረው ሁሉ የመ/ሰራተኞችን ደመወዝ ያለ ሰራተኞቹ ፍቃድ በመቁረጥ አላስፈላጊና ወቅቱን ያልጠበቀ ሹም ሽር በማድረግና በአመራሮች መሀከል ያለውን መተማመን እና አንድነት ሊሸረሽር የሚችል ብወዛ በመተግበር የትግላችንን አቅጣጫ ለማሳት እየተንቀሳቀሰ መሆኑን መረዳት ችለናል። በመሆኑም ከዚህ በኋላ የዚህን ድርጅት አላማና ተልእኮ በማንገብ የሚደረግ የትኛውም፡አይነት እንቅስቃሴ ጸረ ሲዳማ መሆኑ ታሳቢ የሚደረግ ሲሆን ኤጄቶ ይህን አጀንዳ ይዘው በሚነሳቀሱ ሀይሎች ላይ ተመጣጣኝ እርምጃ እንደሚወስድ፡ልናሳውቅ እንፈልጋለን።

#ይህ በንዲህ እንዳለ ጥቂት አውደልዳይ እና ጥቅመኛ ባንዳዎችን በመቅጠር ትናንሽ አጀንዳዎችን በህዝባችን ላይ በመጫን ከዋናው የትግል አላማችን ለማንሸራተትና ህዝባችንን ከፋፍሎ የትግል፡አቅማችንን የሚፈታተኑ ሀይሎችን ከዚህ በኋላ የማንታገስ ከመሆኑ ባሻገር ጉዳዩን አምርረን የምንታገል መሆኑን ለሚመለከተው አካል ሁሉ ማሳወቅ፡እንወዳለን።

19/07/2011 ዓ/ም

ሀዋሳ

 

በመላው ዓለም የሚኖሩ የሲዳማ ተወላጅ ኢትዮጵያዉያን በወቅታዊ የሲዳማ ጉዳይ ላይ ያወጡት የአቋም መግለጫ

በመላው ዓለም የሚኖሩ የሲዳማ ተወላጅ ኢትዮጵያዉያን በወቅታዊ የሲዳማ ጉዳይ ላይ ለመምከር በማርች 10 ቀን 2019 አስቸኳይ ስብሰባ አድርገዉ የሚከተለዉን ባለ 10 ነጥብ የአቋም መግለጫ አዉጥተዋል።

1ኛ. የሲዳማ ሕዝብ ላለፉት በርካታ አመታት የራስን እድል በራስ ለመወሰንና የራሱ የሆነ ክልላዊ መዋቅር ዘርግቶ ለመተደደር የአገርቱን ህገመንግስት ተከትሎ ፍጹም ሠላማዊ በሆነ መንገድ የጠየቀውንና የተለያዩ ደረጃወችን አልፎ ህዝቤ ውሳኔ እንድያደራጅ ለምርጫ ቦርድ የቀረበውን ጥያቄ ለማስተጓጎል ደኢህዴን የሚያደረገውን ማንኛውንም ህገ ወጥ ዘመቻ አጥብቀን እንቃወማለን።

2ኛ. የሲዳማን ሕዝብ ሲዳማ ለማድረግና በሲዳማ እንድሁም በአከባቢው ያለውን የመልካም አስተዳደር ችግር ለመቅረፍ፥ በሕዝቦች ፍለጎት ላይ የተመሰረተች፣ ፈደራላዊና ዲሞክራሲያዊ ስርዓት የተዘርጋባት፣ የዜጎች እኩልነትና ፍትህ የሰፈነባት እና ሕዝብ የሥልጣን ባለቤት የሆነባትን ኢትዮጵያ ለመገንባት የሚታገለውን የሲዳማ ባለራዕይ ትውልድ የኤጄቶን ሠላማዊ ትግል በመሉ ልብ እንደግፋለን።

3ኛ. በሲዳማ የለውጥ ኃይል እና የመልካም አስተዳደር ናፋቂ ትውል ኤጄቶ ላይ የሚደረግ ስም የማጥፋትና የማጥላላት ዘመቻን አጥብቀን እንቃወማለን።

4ኛ. ሲዳማንና የሀዋሳን ከተማ ለማለያየት የሚደረግ ማንኛውንም እንቅስቃሴ እንድሁም ለየብቻ የሚደርግ የሕዝብና ቤት ቆጠራ በሲዳማ ህዝብ ሉአላዊነት ላይ የሚደረግ ጦርነት በመሆኑ አጥብቀን እንቃወማለን።

5ኛ. ደኢህዴን በሲዳማ ሕዝብ ጉዳይ ላይ የምያሳልፈውን ማንኛውንም ኢህገመንግሥታዊና እራሱ ደኢህዴን በምክር ቤቱ የወሰነውን ውሳኔ በመሻር የሲዳማ ሕዝብ ክብር የሚነካና መርዎቹን የምያሸማቅቅ እንዲሁም የለውጥ ሀዋርያ ኤጄቶን የሚያጥላላ በተጨማሪም የሲዳማ ሕዝብ ከሊህቅ እስከ ደቅቅ ከልጅ እስከ አዋቂ በጋራ የጠየቀውን ህገመንግሥታዊ ጥያቄ የሚያንቋሽሽ ሰነድ አጥብቀን እንቃወማለን።

6ኛ. በሲዳማ ተወላጅ የደኢህዴን ተላላኪወችና የፈዴራል ስርዓት ተቃዋሚ ኃይሎች ቅንጅት በሲዳማና በአከባቢው በሚኖሩ ሕዝቦች መካከል ልዩነት ለመፍጠር እንዲሁም የሲዳማን ሕዝብ ለመከፋፈልና ለማለያየት የምደረገውን ማንኛውንም አይነት ሴራ አጥብቀን እንቃወማለን።

7ኛ. በማንኛውም ጊዜ በሚቻለን ሁሉ በሲዳማ ሕዝብ መርዎችና በኤጄቶ ጎን ለመቆም ያለንን ዝግጁነት በአጽንዖት እንገልፃለን።

8ኛ. የሲዳማ ሕዝብ ከደኢህዴን የሚደረግበትን ትንኮሳ ሳይበገር ሠላማዊና ህገመንግሥታዊ ጥያቄውን ከዳር ለማድረስ ከመቼውም በላይ አንድነቱን ጠብቆ በመመካከርና በመደማመጥ እንድጓዝ በአጽንዖት እንጠይቃለን ።

9ኛ. የኢትዮጵያ መንግስት እና ምርጫ ቦርድ ለሲዳማ ሕዝብ ህገ መንግሥታዊ ጥያቄ በህገመንግሥት ላይ ብቻ የተመሰረተ ውሳኔ ለመስጠት በአስቸኳይ ህዝቤ ውሳኔ እንዲያደራጅ አጥብቀን እንጠይቃለን ።

10ኛ. በሀገርቷ ላይ የመጣዉን ለዉጥ ሙሉ በሙሉ የምንደግፍ መሆኑንና ይህንን ደግሞ ወደኃላ ለመቀልበስ የሚደረገዉን ማንኛዉንም ዓይነት እንቅስቃሴ አጥብቀን የምንቃወም መሆኑን እንገልጻለን።

“ዳግም በሲዳማ ምድር ፀሀይ አትጠልቅም” እግዚአብሄር አገራችንን ኢትዮጵያ ይባርክ አሜን!!
የሲዳማ ዲያስፖራ ማህበረሰብ
ማርች 10 ቀን 2019
ከመላው ዓለም!

ከሲዳማ ኤጄቶ በወቅታዊ በሲዳማ አካባቢ ስላለዉ የሃገራችን ሁነታ ላይ የተሰጠ መግለጫ

የሲዳማ ህዝብ ከምዕተ ዓመት በላይ በኃይል የተቀማውን ማንነት ለማስመለስ ስታገል ኖሯል። ያሁኑ ትዉልድም ቀደምት አባቶቻችን እንደታገሉ ሁሉ ላለፉት 27 ዓመታት በህወሃት አገዛዝ ሥር ይህንን ጭቆና አጥብቆ በመቃወም ትግል ሂደት ዉስጥ ብዙ መስዋዕት ስከፍል ኖሯል። በተለይም ህዝብን ሳይሆን ህወሃትን የወከለዉ ደኢህዴን የሲዳማን ሕዝብ እንደጠላት በመቁጠር በሕዝባችን ላይ ስፈጽም የቆየዉ በደል ተቆጥሮ የሚያልቅ አይደለም። በደኢህዴን መርነት ሕዝባችን በጅምላ ተፈናቅሎ መረቱን ተነጥቋል። በደኢህዴን መርነት ሕዝባችን የጅምላ ጭፍጨፋ ተፈጽሞበታል። በደኢህዴን አገዛዝ ሥር ሕዝባችን መብቱን አጥቶ የበይ ተመልካች ሆኖ ኖሯል። በህዝባችን ላይ የሚደርሰዉ በደል እየተባባሰ ሲሄድ ባለፉት ረጀም ዓመታት በስዉር ሲታገል የቆየዉ የሲዳማ ኤጄቶም ትግሉን በገሃድ ተቀላቅሏል።

ከባለፈዉ አመት ጀምሮ ብዙ መስዋእት ተከፍሎ ለሃገራችን የነጻነት ነፋስ ብነፍስም በሲዳማ ምድር ላይ በደኢህዴን አቀነባባርነት የሰላም መደፍረስ እየተባባሰ ሄዷል። ለምሳሌ ባለፉት 10 ወራት ብቻ ደኢህዴን የሲዳማን አይንና ብለን የሆነዉን የሃዋሳን ከተማ በጥር 4 2010 ዓ ም ከሲዳማ አስተዳደር በማዉጣት የራሱን ግዛት ለማድረግ ዉሳኔ አስተላለፈ። ከዝያም  የተከበረዉን የሲዳማ የዘመን መለወጫ ወይም ፍቼ ለብዙ መቶ አመታት እንደተለመደዉ በሃዋሳ ከተማ እንዳይከበር የራሱን መግለጫና ማስፈራርያ በማዉጣት በዓሉን የግጭት ለማድረግ ብዙ ሞከሬ። በመቀጠልም የሲዳማን ሕዝብ እንደኋላ ቀርና አረመኔ አድርጎ በማስመሰል ባቀነባበረዉ ግጭት አዋሳና አከባቢዉ ወደጦርነት ቀጠናነት ተለወጡ። በነዝህም ግጭቶች ከ40 በላይ ሰላማዊ የሲዳማ ሕዝብ የሞት ሰለባ ሆኑ።  ከሲዳማ ምድር በተዘረፈዉ ገንዘብ ሚድያና አክትቭስቶችን እየገዛ የሲዳማን ሕዝብ ዒላማ ማድረጉን ተያያዘዉ።

ኤጀቶና የሲዳማ ሕዝብ ባደረገዉ ብርቱ ትግል ደህደን በ10ኛዉ መደበኛ ጉባኤ የሲዳማን ህዝብ የክልል ጥያቄ ተቀብሎ ህጌ መንግስታዊነቱን አምኖ መቀበሉንና ህጉን ተከትሎ እንዲያልቅ መወሰኑ የሚታወስ ሲሆን ለሲዳማ ሕዝብ ከነበረዉ ንቀት የተነሳ ይህ ህደት እንድጓተት ማድረጉ ብቻ ሳይሆን በትናንትናዉ እለት ከደኢህዴን በየደረጃው የሚገኙ አመራሮችን ለማወያየት በጠራው መድረክ ላይ ለውይይት ቀርቦ በነበረው የመወያያ ሰነድ ላይ የሲዳማን ሕዝብ ህልዉና  አደጋ ላይ የሚጥለዉን ኢ_ህገ መንግስታዊ አጀንዳ ይዞ በመምጣቱ የሲዳማን ሕዝብ በመላ በማስቆጣቱ ምክኒያት በ28/6/2011 ኤጄቶ መግለጫ ማውጣቱ የሚታወስ ነው።

ይህንን ኤጄቶ ያወጣውን ሰላማዊ የዕቀባ ጥሪ ወደ ጎን በመተው አንድ አንድ የደኢህዴን አመራሮች ወደየመወያያ አዳራሾቻቸው መምጣታቸውና ይህንንም ተከትሎ በሁሉም አዳራሾች የነበሩ ስብሰባዎች እንዲቋረጡ ከየወረዳ በተወጣጣው ኤጀቶች ስብሳባዉ እንቋረጥ አስደርጓል። ስብሰባውም ኤጀቶ በሚከተለዉ ፍጹም ሰላማዊ በሆኔ ትግል ያለአንዳች ጉዳትና ያለመንግስት ንብረት ውድመት  ተፈጽሟል። በማስከተልም  የደኢህዴንን ባንድራወች እንድወርዱ ተደርጓል።

ይህንን ተከትሎ በ29/6/2011 የደኢህዴን ልሳን በሆነው ደቡብ ቴሌሺዥን የደኢህዴን ስራ አስፈፃሚ የማስፈራሪያ አዘል መግለጫ አውጥቷል። መግለጫው የንጹሃን ልጆች ደም መጣጩ ኃይል ተስፋ የመቁረጥ ሁነኛ ምልክት እንደሆነ ግልጽ ነው። በፈደራል ምንግስት በተደጋጋም በሰላም ትግሉና ሰላም በማስከበሩ የተመሰከረለትን ኤጀቶ ጥቂት የተደራጀ ቡድን ነው ማለታቸውም የድርጅቱ በተስፋ መቁረጥ ብዥታ ውስጥ መሆኑን ነው። ኤጀቶን ከሲዳማ ሕዝብ መለየትም የሲዳማን ሕዝብ አቅም አለመገንዘብ ነዉ። በኤጀቶ አስተባባርነት ባለፈዉሳምንት የተካሄደዉ የሚልዮን የሲዳማ ሕዝብ ሰላማዊ ሰልፍ እራሱ ለዝህ በቅ መልስ ነዉ።

ስለሆነም፥ ይህንን የህዝቡን ህገመንግሥታዊ ጥያቄ ለመቀልበስና ህገመንግሥቱን በጠራራ ፀሓይ እየናደ የሚገኘው ድርጅት አሁንም ፀረ ህዝብ የሆነ እንቅስቃሴውን እንደሚቀጥልና ኤጄቶዎችን በህግ ቁጥጥር ሥር አውላለሁ ሲል የቀን ቅዥቱን ያስተጋባበትን አስመልክቶ የሲዳማ ኤጄቶ የሚከተለውን አስቸኳይ የአቋም መግለጫና የትግል ጥሪ ግብዣ አውጇል።

  • በመጀመሪያም ደኢህዴን ሰነዱን ስያዘጋጅ ህዝብን የሚጠቅምና ለውጡን የሚያስቀጥል ቢያንስ የዓይኔ ብሌን ብሎ የሚኩራራባቸውን አመራሮቹን የሚያሳምን ሰነድ መሆኑን አረጋግጦ መቅረብ ነበረበት። ይኼንን አላደረገም። የራሱ ጸረ-ሰላማዊ አጀንዳ መሆኑን አጥንቶ ተዘጋጅቶ ቀርቧል። ቢሆንም ገና ከንባቡ ነው ተቃውሞ የገጠመው…
  • ሌላውና ቁልፉ ጉዳይ አመራሮቹ መድረኩን ረግጦ ሲወጡ ችግሩ ላይ እልባት ወይም በ25 ዓመታት የለመደውን መግለጫውን ማውጣት ነበረበት። ችግሩ መነሻው ራሱ ደኢህዴን በመሆኑ።
  • ሌላኛው ጉዳይ ወደ መግለጫ ከመሮጥ ትተው ይህን ያህል ህዝብ የደኢህዴንን ሸረኝነት እያወገዘ ለምን አደባባይ ወጣ ብሎ ራሱን ወይም ስህተቱን ገምግሞ ማረም ሲገባው እንደለመደው “እየታደሰ እንደሚሰራና እየሰራ እንደምታደስ” አሳውቋል።

በደኢህዴን ስራ የተወረርነውና ታርካችን ከተፋቀው ውጪ የሲዳማ ህዝብ ከደኢዴን ያገኘው የተለየ ጥቅም የለም።

ደኢህዴንም የሲዳማን ሉዓላዊነት እየናደና ህገ-መንግስቱን ወደ ጎን በመተው የጉልበት ፖለቲካ አቋም በህዝባችን መልካም ስም በማጉደፍና ባህላዊ ትርፊቶቹን በማንቋሸሽ ህዝባችንን በድንቁርና መንገድ ለመንዳት በመምረጡ ከዚህ በታች ያለውን አቋም መግለጫ ምላሽ ሰጥተናቸዋል።

  1. የደኢህዴን መግለጫ የህዝቦችን አብሮ የመኖር እሴት በመሸርሸርና በህዝቦች መካከል ጥርጣሬን በመፍጠር እድሜውን ለማስቀጠል ያለመ በመሆኑ ይህንን መግለጫ አጥብቀን እንቃወማለን! የሲዳማ ህዝብም ሆነ የተመለከተው ማህበረሰብ ክፍል ተፈጻሚ አያረገውም።
  2. ለውይይት የቀረበው ሰነድ የሲዳማን ህዝብ ስምና ክብር የሚያጎድፍ በመሆኑ በዚህ ሰነድ ዝግጅት ላይ የተሳተፉ ማናቸውም ግለሰቦችም ሆነ ቡድኖች በአስቸኳይ ለፍርድ እንዲቀርቡ አጥብቀን እንጠይቃለን።
  3. የሲዳማ ህዝብ የራስ በራስ የማስተዳደር ጥያቄ ብቻ የጠየቄ በመሆኑ ለሎች ወንድም ህዝቦች ላይ የሚነዛው የፕሮፖጋንዳ ዘመቻ የህዝቦች አብሮ የመኖር መስተጋብሮችን የሚያበላሽ በመሆኑ በአስተኳይ እንድቆም የፕሮፖጋንዳ ማሽኖች ደኢህዴንና የኢሳት ሚዲያ በህግ እንድጠየቁ በድጋሚ እናሳስባለን።
  4. የኤጄቶን መግለጫ በመናቅ ማንኛውንም ደኢህዴናዊ ስብሰባ ለመሳተፍ የሚንቀሳቀሱ ኃይሎች ከድርጊታቸው እንዲታቀቡ አጥብቀን እናሳውቃለን። ይህንን ዕቀባ በመተላለፍ ከሚያርፉበት ሆቴል እስከ መሰብሰቢያ አዳራሽ ለሚደርስባቸው ጉዳት ኃላፊነቱን ራሳቸው ይወስዳሉ!!
  5. ከዛሬ አርብ 29 የካቲት 2011 ዓ.ም ጀምሮ የደኢህዴን ጽ/ቤቶች ከሀዋሳ ከክልል እስከ ቀበሌዎች ስራ ያቆማሉ; ንብረት የህዘብ ሀብት ስለሆነ በማንኛውም ሁኔታ አይነካም!!
  6. የደኢዴህዴን ዓርማ ያለበት ማንኛውም ታፔላ፣ ጽሁፍም ሆነ መልዕክቶች እንዲሁም የደኢህዴን መራሹ የደቡብ ባንዲራ ከሀዋሳ ከተማ እስከ ሲዳማ ሁሉም ቀበሌዎች ይወርዳል፤ ሁለተኛም አይሰቀልም! ሌላ ባንዲራ ስለሌለንና ህጋዊነትን ለመጠበቅ ሌላ አይሰቀልም፤ የኢትዮጵያ ባንዲራ ብቻ በመላው ሲዳማ ይውለበለባል!!
  7. በሲዳማ ምድር የሚኖርን ከደኢዴናዊ አጀንዳ ያልተበረዘ ማንኛውንም ኢትዮጵያዊ ዜጋ ራሱ የእኛ ወገን በመሆኑ አብሮን የሚሰለፍ ይሆናል። አብሮን የሚኖሩትን ህዝቦችን መንካት ቀርቶ በክፉ ዓይን ያዬ እሱ ከደኢህዴን የተወለደ ድቃላ መሆኑን ተገናዝበን ተመጣጣኝ እርምጃ መንግስት እንዲወስድና የዜጎችን የሰብዓዊ መብቶች ሳይሸራረፉ እንዲያስከብር ሙሉ ድጋፋችን እንሰጣለን! የከተማችን ፀጥታ እንዲደፈርስ የፈለገው እንዳይሳካለት በተጠንቀቅ የየአካባቢዎቻችን ፀጥታ እንጠብቃለን!
  8. የአፊኒ ባህል ባለቤትቶች የሆንን እኛ፤ እርስ በእርስ ከዚህ ቀደም እንደምናደርገው ሁሉ እየተደማመጥን የምንሄድ ሲሆን ከዚህና ሌሎች የኤጄቲዝም መርሆዎች ውጪ የሚንቀሳቀስ ታጋይ ትግላችንን የሚገል ስለሆነ እሱ ራሱ ደኢህዴን ነው!
  9. በህዝብ እና ቤት ቆጠራ የሃዋሳ ከተማን ከሲዳማ ዞን ለይቶ ለመቁጠር የተዘጋጀውን አካሄድ ሆን ተብሎ የሲዳማ ዞን እና የሃዋሳ ነዋርዎች ለማለያየት የተወሰደ እርምጃ በመሆን አጥብቀን እንቃወማለን ።
  10. ከሀዋሳ እስከ ጭሬ ያለህ የሲዳማ ህዝብ ሆይ!! ወገብህን ጠበቅ አድርግ፣ ከዚህ ቀጥሎ ለምናደርገው ማንኛውም የትግል ጥሪ ዝግጁ በመሆን በተጠንቀቅ ነቅቶ የሚጠብቅ ይሆናል።

“የሲዳማን ህዝብ ህገ መንግሥታዊ ጥያቄ ከዳር ለማድረስ የሚታገል የመጨረሻ ትዉልድ”

ኤጄቶ (Ejjeetto)

የካቲት 29 ቀን 2011

ሐዋሳ

Amajje 28/2011M.D DEHIDENI XONONNI HARUNSINE FUSHIINOONNI EJJEETTOOTE UURRINSHA

Dehdeni baxire yee xone furminonke. Sanadeno qixxeessino manni nootanna xaadisi’noonnikkiri shiqanno yineno dihendoommo.

Konni daafira ga’a qaafo tenneeti.

1) Sidaamu qansichcha ikke tenne tewo redaani songora woshshaminohu ga’a mitto bayiichcho gamba yee uurrinsha fushshiranno gedenna uurrinshansano ejjeettote barrihunni 6 saate geeshsha xawisate gadadantanno. Tenne assa hoogguronna reedaani songora hara eate waalcho nafa marte leellituro Moges Baalchihunni badde ejjeetto dila’anno. Gaadu 2 sufanno barra konni manni aana qaafo adhine hanafate gadachchammeemmo. Sidaama riqiweemmo yaannohu heeriro noosi kaayyo redaani songo gate umisira ma’la doorsha diafidhino. Kuni Biirote sooreeyyeno ikko federaalete noo Sidaama baala la’anno.

2) Tenne sanade qixxeesse shiqihu rahe higgete shiqannonke gede xa’mi’neemmo. Ayeeno ikko ayee xa’mama noosi.

Tenneno ga’a assite leellishshankera xa’mi’neemmo.

3) Hasi’nire yine xonnannanke Utuwinkera songinara horontanni fajjineemmokkihura ga’a barra Baalunku Sidaamugiddono ikko Hawaasi quchchumira Reedaani songa dandaannokkita duu’ne egensiinseemmo. Tenne songora hara fane leellannohu mangittete bisi ikko gillessebe xa’mantannota duu’ne egensiinseemmo.

4) Ejjeetto ga’a soodinkunni hanaffe quchchuma toyaattannotanna barra xawishsha agartannota duu’ne egensiinseemmo.

5) Woxe adhitine hashsha Sidaamu xa’mo huntinara dodantinanni heedhinooyiiri gashshaano mundeete woxe adhitinanni galle. Ga’a mini’ne manni ledo tuffinanni.

Xawishsha aa agure Dehdeni songora mare beeqqannohura ejjeetto barra Songo assite Gaado #2 xawo xawaabbaho loossanno. Ga’a gaadu #2 daafirano qaafo adhinanni barraati.

Gumuloteno woraddate heedhinoonni ejjeetto barra songo heedhannohura Milineemete harira barrihunni 8 saatenni iillitinara woxarantoommo. Dehdeni songitanno Baattonna hari dinonke!

Tini ilama Sidaama wolaphoisiissanno gumulote ilamaati.

Baxxanna hooga ga’a ikkito!

Ejjeetto, Sidaama, Tophiya
Amajje 28/2011M.D

የሲዳማ ኤጄቶ አቋም መግለጫ

ዛሬ በጥር 20 2011 ኣ/ም ታሪካዊው የሲዳማ ኤጄቶ ሁለተኛ ዙር ጋዶ በሲዳማ ብሄራዊ ክልላዊ መንግስት መቀመጫ በሆነችው ሀዋሳ በወቅታዊ የህዝባዊን ጥያቄዎች እና ጥያቄው በደረሱበት ደረጃ ላይ ተመክሯል። በመሆኑም ኤጄቶ ዛሬም ቢሆን ነገ የሰላም አማባሳደር ነው። የለውጡ መንግስታችንም በግልጽ እንደምያምነው ዘላቂ ሰላም የሚረጋገጠው ለሰላም መደፍረስ ቁልፍ ምክንያት የሚሆኑ ችግሮችን ቀድሞ በመከላከልና ያልተመለሱ ዘመን ዘለቅ የሆኑ ህዝባዊ ጥያቄዎችን ህግን እና ደሞክራሲያዊ መርሆችን ተከትሎ መመለስ ሲቻል መሆኑ ይታመናል፡፡

በመሆኑም ከዚህ በላይ የሲዳማን ክልል ጥያቄ ህዝበ ውሳኔ ቀን ማራዘም ህዝብ ከመንግስት ጋር ያለውን መተማመን የሚሸረሽር ከመሆኑ ባሻገር የህዝብ ተቋማትን ገለልተኛነትና ህዝባዊ ውግንና ጥያቄ ውስጥ የሚያስገባ በመሆኑ መንግስት አከባቢያችንን ላልተፈለገ ውጥረት እና ስጋት ከሚያስገባ ጸር ህገመንግስታዊ አካሄድ በመቆጠብ አስቼኳይ ምላሽ ይሰጠን ዘንድ እንጠይቃለን።
በማጠቃለያም በዛሬው ጓባኤ ተወያይተን በሚከተሉት አቋሞች ላይ ተስማምተናል።

1. የሲዳማ ህዝብ ራሳችንን ችለን በክልል ልንደራጅ ጥያቄ በቀን 12/11/2010 ዓ.ም በተፃፈው ዳብዳቤ የዞኑ ምክር ቤት አጽድቆ ለደ/ብ/ብ/ህ/ክ/መ/ ምክር ቤት ጥቅምት 23 ቀን 2011 ዓ.ም አቅርቦ ጥያቄያችን ህገ መንግስታዊ በመሆኑ በክልል ምክር ቤት ፀድቆ ሪፈረንደም እንድካሄድ አቅጣጫ አስቀምጦ ለኢፌዴሪ ምርጫ ቦርድ በቁጥር በቀን 12/3/2011 ዓ.ም በተፃፈው ደብዳቤ ህዝበ ዉሳኔ እንድናከናውን ጠይቀን የህዝበ ውሳኔውን ቀን በመጠባበቅ ላይ እንገኛለን ፡፡
ስለሆነም የሪፈረንደም ቀን በመዘገየቱ ህዝባችን ሌሎች ሰላማዊ የትግል አማራጮችን ለመጠቀም ስለሚገደድ ይህ ከመሆኑ በፍት በአፋጣኝ የረፈረንደም ቀን ይፋ እንድያደርጉልን በአክብሮት እንጠይቃለን፡፡

2. ባሁን ግዜ የሲዳማ ህዝብ ከዳር እስከ ዳር እንደ ዋና አጀንዳ ይዞ ከሚገኝበት የሪፈረንደም ቀነ ቀጠሮ ውጪ ያለ የትኛውም አጀንዳ በምንም መስፈርት ተቀባይነት የለውም። በዚህም የጄቶን የትግል ወኔና ትኩረት የሚፈታተኑ አጀንዳዎችን ይዘው የሚቀርቡ ሀይሎች አደብ እንዲገዙ እንጠይቃለን።
3. በዚህ ሳምንታት የክልል ብሎም የሁለቱም መዋቅር አመራሮች የክልል ጥያቄያችን በደረሰበት ደረጃ ላይ አስቼኳይ መግለጫ ወይም ምላሽ እንዲሰጡን በአክብሮት እንጠይቃለን፡፡
4. ለክልል ማቋቋሚያነት የተሰየምው ታስክ ፎርስ ሌሎች ቅድመ ዝግጅቶችም እስካሁን የደረሰበትን ደረጃ ለህዝብ ይፋ እንዲያደርግ እንጠይቃለን፡፡

በመጨረሻም የተከበራችሁ የሀዋሳ ከተማ ነዋሪዎች የደቡብ ክልል ህዝቦች ብሎም መላው የኢትዮጵያ ህዝቦች የሲዳማን ህዝብ አቃፊነት እና እንግዳ አክባሪነት ከናንተ በላይ የሚመሰክር አለመኖሩ ለሁሉም ግልጽ ነው። የናንተና የኛ ትስስር በደቡብ ክልል ህልውና ላይ የተመሰረት ባለመሆኑ ክልሉ ብፈርስ አንድነታችን የሚሸረሸርበት ምንም ምክንያት አይኖርም። #ከዚህ መነሻም ከሲዳማ ህዝብ ጥያቄ ጋር በመሰለፍ ኤጄቶ ከጸረ ህዝብ እና ጸረ ህገመንግስት ሀይሎች ጋር እያደረገ ያለውን ትግል እንድትቀላቀሉ ጥሪ እናቀርባለን።

በሲዳማ አካባቢ ስላለዉ የሃገራችን ወቅታዊ ሁኔታን በተመለከተ ከኤጀቶ የተሰጠ መግለጫ

breakingfreeበሀገራችን አንጻራዊ ሰላም እየሰፈነ ባለበት ባሁኑ ወቅት የሲዳማ ሕዝብ ከለሎች ኢትዮጵያዉያን ወገኖቹ ጋር ሆኖ በህግ የበላይነት የሚትመራና ሁሉም ተከባብሮና ተፈቃቅሮ የሚኖርበትን ሀገር ለመመስረት ያለዉን ሕልም እዉን ለማድረግ በጉጉት እየተጠባበቀ ባለበት ጊዜ የሲዳማ መሬት በሃገራችን የመጣዉን ለዉጥና የሲዳማን ሕዝብ የነጻነት ጉዞ በሚቃወሙ ኃይላት እየተቀነባበሬ በየጊዜዉ ለሚላኩ ሰላምን ለሚያደፈርሱ ዉዥምብሮችና ግጭቶች  ማስተናገጃ ስፍራ መሆኑ ግን አልቀረም። የሲዳማ ሕዝብ  ባለፉት 9 (ዘጠኝ) ወራት ዉስጥ ብቻ በዚሁ ሴራ ከ30 በላይ ተወላጆቹን ያጣ ሲሆን በ100 በሚቆጠሩት ላይ ደግሞ ከባድና ቀላል የመቁሰል አደጋ ደርሶባቸዋል። ይህ ሁሉ ግፍ በሕዝባችን ላይ እየተፈጸመ ለዉጡ በሲዳማ ዉስጥም ተገብሮ የሲዳማ ሕዝብ ድምጽ የምሰማበት ወቅት ይመጣል ብሎ ሕዝባችን ብታገስም ማንነቱንና ሕልዉናን አደጋ ላይ የሚጥሉ ሁናተወች ግን መልካቸዉን እየቀየሩና እየተባባሱ እንጅ እየቀነሱ አልሄዱም።

ለአብነት ለመጥቀስ ያህል ባሳለፍነዉ ሣምንት ብቻ የኢትዮጵያ ሰብአዊ መብቶች ጉባኤ (ሰመጉ) ባወጣዉ ሪፖርቱ ላይ ከዚህ በፊት በጸረ ለዉጥ ሃይሎች በተቀነባበረዉ ግጭት ከሲዳማም ሆኔ ከወላይታ በኩል ብዙ ነፍስ መጥፋቱ የሚታወስ ቢሆንም ሪፖርቱ ግን ከሁለቱም በኩል የሞቱትን በአንድነት ደምሮ በሲዳማ ብሄር ተወላጆች በተፈጸመ ጥቃት የተገደሉ የወላይታ ተዎላጆች ብሎ በማያሻማ ሁኔታ መላዉን የሲዳማ ብሔር እንደወንጀለኛ መፈረጁና ግድያዉንም ከግጭቱ በፊት በሰላም ከተጠናቀቀዉ ከሲዳማ አመታዊ ፊቼ በዓል ጋር ለማገናኘት መሞከሩ የተቋሙ በሀገራችንና በአለም አቀፍ ደረጃ ካለዉ ተሰምነት ጋር አያይዞ በመመልከት የችግሩን አሳሳብነት ለመገመት አዳጋች አይሆንም።

በሌላም በኩል ደግሞ ዘመን ተሻጋር የሆነዉንና ብዙ መስዋዕት የተከፈለበትን የማንነትና የራስን እድል በራስ የመወሰን ጥያቄ ህገ መንግስትን ተከትሎ በየደረጃዉ ዉይይት ተደርጎ የደ/ብ/ብ/ህ/ክ/መ/ም/ቤት የህገ መንግሥቱን ህደት ተከትሎ እንድያልቁ ባስቀመጠዉ አቅጣጫ መሠረት አሁን ረፈረንደም ብቻ በቀረበት ወቅት አንዳንድ ሃይሎችና ግለሰቦች ይህንን የብዙ ሚልዮን ሕዝብ ድምጽ ለማፈን ስሯሯጡ ይታያሉ።

የሲዳማ ሕዝብ ለማንነቱ ከማንም ጋር ተደራድሮ አያዉቅም። የሲዳማ ሕዝብ አሁን ላለበት ደረጃም የደረሰዉ ማንነቱ እንድከበር  ከደርግ ጋር ተፋልሞ ብዙ መስዋዕት ከፍሎ ደርግ ከወደቀ በኋላ ይህንን መብት እዉን ለማድረግ አሁን በሥራ ላይ ያለዉን ሕገ መንግስት ለማርቀቅ ከሽግግሩ መንግሥት አካል የነበረዉ ለነጻነቱ በከፈለዉ መስዋዕት እንጅ በማንም በጎ ፈቃድ ወይም ከባዶ ተነስቶ አይደለም።አሁን ለመጣዉም ለዉጥ የበኩሉን ድርሻ ተጫዉቷል። የሲዳማ ሕዝብ ለሰላም ካለዉ ጽኑ ፍላጎት የተነሳም ጠቅላይ ሚ/ር አብይ አህመድን በያለማመንታት ሁለት እጁን ከፍቶ ‘ዳወኤ ቡሹ’ ብሎ ተቀብሎ አሁንም ለዉጡ የተሳካ እንድሆን ከኤጄቶ ጋር በመሆን በትጋት እየሠራ ይገኛል።

ስለሆነም አሁን ላለዉ ወቅታዊ ጉዳይ ኤጄቶ የሚከተሉትን ባለስድስት ነጥብ የአቋም መግለጫ አዉጥቷል፤

  1. የሲዳማን ሕዝብ ባሁኑ ሰዓት በሞግዝትነት የሚመራዉ ደሕደን(ደቡብ ሕዝቦች ደሞክራሲያዊ ንቅናቄ) ላለፉት 27 አመታት ሕዝባችንን እያፈናቀለና እያስገደለ የቆየና አሁንም የተለያዩ አጀንዳዎችን አቀነባብሮ በማምጣት ሰላም ፈላጊዉን ህዝብ እየተተናኮለ ያለ ነዉ። በቅርቡ በሃዋሳና በአከባቢዉ ለተፈጠሩ ለጸጥታ ችግሮችና ለጠፋዉም ህይወት ደኢህዴን ተጠያቅ እንደሆኔ ኤጄቶና የሲዳማ ሕዝብ ብቻ ሳይሆን መንግስትም ያምናል። ስለዝህ ባሁኑ ጊዜ የዝህን ወንጀል ተሳታፍወች በህግ ፍት ለማቆም እየተሰራ ባለዉ የምርመራ ሥራ ላይ እነዚሁ ተጠርጣር አካላት የተሳተፉበት በመሆኑ ዉጠቱ በሲዳማ ሕዝብ ዘንድ ተአማንነት ወይም ተቀባይነት ስለማይኖሬዉ ገለልተኛ አካል በአስቸኳይ ተቋቁሞ እንድጣራና ወንጀለኞቹ በቶሎ ለፍርድ እንድቀርቡ እንድደረግ በአጽንኦት እንጠይቃለን።
  2. የኢትዮጵያ ሰብአዊ መብቶች ጉባኤ (ሰመጉ) በኢትዮጵያ መንግስት እዉቅና የተቋቋመና በኢትዮጵያውያን ላይ የሰብአዊ መብት ጥሰትን ለመከላከል ጥብቅና ለመቆም ትልቅ ኃላፍነትን የተሸከመ ቢሆንም ለዚህ እዉነታ ቅንጣት ያህል ሳይጨነቅ የጥቅት ግለሰቦችና ቡድኖች መልዕክት ለማስተላለፍ ታስቦና ሆን ተብሎ የመላዉን የሲዳማን ሕዝብ ማንነት ላይ የሚያነጣጥረዉን የሰመጉ 146ኛ ልዩ መግለጫ ኤጄቶ በጽኑ ያወግዛል፤ በአስቸኳይ ማስተካከያ ተሰጥቶ እንደገና ታትሞ ለመገናኛ ብዙሃን ከተገለጸ በኋላ ጉባኤዉ የሲዳማን ሕዝብ ይቅርታ እንድጠይቅ አጥብቀን እናሳስባለን።
  3. የዶ/ር አብይ አህመድ ዘመን ‘የጥድፍያ’ ሳይሆ ለረጅም አመታት ብዙ መስዋዕት እየተከፈለ ሳይመለስ የቆየዉን የሲዳማ የክልል ጥያቄ በህገ መንግስቱ ላይ በተቀመጠዉ ሂደት መሠረት ሁሉን ደረጃ አልፎ የቀረዉን የረፈረንደም ጉዳይ ሕዝቡ በጉጉት እየተጠባበቀ ባለበት ባሁኑ ሰዓት የሲዳማን ጥያቈ ከድንበር ጉዳዮች ጋር ለማገናኘትና እንደ አድስ ጥያቄ በማስመሰል ለማጓተት ተብሎ በአንዳንድ ሕግን በማያዉቁ አካላት የተጀመረዉን ዘመቻ አጥብቀን እናወግዛለን። ይህ የሚልዮኖች ሕዝብ ድምጽ ህገ መንግስቱን ተከትሎ በእስቸኳይ ሕዝበ ዉሳነ ተደርጎ ተፈጻሚ እንድደረግ አጥብቀን እንጠይቃለን። የሲዳማ ዞን አስተዳድርም ይህንን ህደት ለመከታተልና ለማስፈጸም ሕጋዊ አካል ያለዉ በመሆኑ ህደቱን በኃላፍነት በመከታተል ለሕዝቡ በየጊዜዉ ጉዳዩ የደረሰበትን በማሳወቅ ድርሻዉን እንድወጣ ኤጄቶ ያሳስባል።
  4. የሲዳማ ሕዝብ የራሱን እድል በራስ ለመወሰን ከምን ጊዜዉም በላይ አንድ በሆነበት ወቅት በተለያዩ አካላት በጄት ተመድቦ ይህንን አንድነት ለመናድ ተልዕኮ ወስደዉ የምንቀሳቀሱ አካላት እንዳሉ ኤጆቶ ያዉቃል። በዚህ በጥፋት መንገድ የተሰማራችሁ ግለሰቦችና ቡድኖች ከሲዳማ ሕዝብ ላይ እጃችሁን በእስቸኳይ እንድትሰበስቡ ኤጄቶ ያስጠነቅቃል።
  5. የሲዳማ ሕዝብ የመብት ትግል ከዚህ በኋላ ወደኋላ እንደማይመለስ ጠላትም ወዳጅም ልገነዘብ ይገባል። ህጋዊ መብቶቹም የሚመለሰዉ ወይም የሚከለከለዉ በአሉባልታ ወሬ ወይም በሰዎች በጎነት ላይ ተመሰርቶ ሳይሆን በሕገ መንግስት ላይ በመመስረት መሆኑን በመገንዘብ በበሬ ወለደ ዉሸት በማህበራዊ ሚዲያ አዉታሮች፥ በተለያዩ መድረኮች፥ እንድሁም አንዳንድ ተለቭዥንና ረድዮ በመጠቀም ለተሰጣችሁ ተልእኮ በተከበረዉ የሲዳማ ሕዝብ ስም ላይ ጥላሸት ለመቀባትና እንድሁም ከሲዳማ ሕዝብ ጋር ተዋልዶና ተፈቃቅሮ አብረዉ በሚኖሩ ከለሎች ወንድም ሕዝቦች መሃል ጥላቻና ግጭት በመሥራት ዘመቻ ላይ የተጠመዳችሁ አካላት ባስቸኳይ እንድታቆሙ እናሳስባለን!
  6. ኤጄቶ ያለፈቃዱ በደቡብ ክልል የታጨቀን ጭቁኑን የሲዳማን ሕዝብ ነጻ ለማውጣት፣ የሕዝቡን ሕገመንግሥታዊ መብት ለማስከበርና ለማስጠበቅ፣ የአካባቢውን ሠላም ለመጠበቅ ተግቶ የሚሠራ አካል ነው። “ጥያቄያችን ሕገመንግሥታዊ፣ ትግላችን ሠላማዊ” በምል መሪ ቃል ትግሉን የጀመረው ኤጄቶ በሠላማዊ ትግል ፍጹም የሚያምንና የሲዳማ ሕዝብ ሕገ መንግስታዊ መብቱ ሙሉ በሙ እስከሚረጋገጥ ድረስ በሲዳማ ሕዝብ ጎን በመቆም ታርካዊ ግደታዉን ለመወጣት በጽናት እየታገለ ያለና ከዝህ ዓላማዉ ላንድ ደቂቃም ፍንክች የማይል ነዉ። ስለዝህ ለሌብነት ሩጫ ኤጀቶ እንቅፋት ስለሆነባችሁ ኤጀቶን በተለያየ መልኩ ዓላማ ባደረገ ዘመቻ ላይ የተሰማራችሁ አካላት ህልማችሁ የማይሳካና የቀን ቅዥት መሆኑን ተረድታችሁ እጃችሁን ከኤጄቶ ላይ እንድታነሱ አጥብቀን እናሳስባለን!

ድል ለጭቁን ሕዝብ!

ኤጀቶ

ጥር 3 ቀን 2011

ሐዋሳ