Tag Archives: Ethiopia

በወቅታዊ ጉዳዮች ላይ ከሲዳማ ኤጄቶ የተሰጠ መግለጫ

ላለፉት ሀያ ስምንት ዓመታት በአገራችን ሕዝቡን ያስከፋው የተበለሸ አሰራር እንዲቀር ወጣቱ የከፈለውና እየከፈለ የሚገኘው መስዋዕትነት ከፍተኛ ነው። በአገራችን የታየው የተስፋ ጭላንጭልም ደብዛው እንዳይጠፋ ከፍተኛ የሆነ የሞት የሽረት ትግል እያካሄደ ይገኛል። የሲዳማ ወጣትም በተካሄደው እና እየተካሄደ ባለው ትግል ከፍተኛ ተሳትፎ በማድረግ ኢ-ፍትሀዊ አሰራር፣ ሙስና፣ አድሏዊ አሰራር፣ ማንነት ማጥፋት እና ኢ-ሰብአዊ የሆኑ መንግስታዊ በደሎች ከህዝባችን ጫንቃ ላይ እንዲወገድ የበኩሉን ተወጥቷል፤ እየተወጣም ይገኛል። በተለይም የሲዳማ ሕዝብ ራሱን በራሱ ለማስተዳደር ለዘመናት ሲጠይቀው የነበረው ሕዝባዊ ጥያቄ ምላሽ እንዲያገኝ ቀዳሚውን የመሪነት ሚና ሲጫወት ቆይቷል።

ይህ የሕዝቦች የመብት ጥያቄ በህገ መንግስቱ መሰረት ምላሽ እንዲያገኝ የቀደሙቱ የሲዳማ ጀግኖች የማዕረግ ስያሜ ኤጄቶን መጠርያው በማድረግ ሁሉንም የማህበረሰብ ክፍል በማቀፍ ከፍተኛ እንቅስቃሴ ሲያደርግ ቆይቷል። ይሁን እንጂ የአገራችን ሕዝቦች እንደታዘባችሁት የኢትዮጵያ መንግስት ወቅቱን የጠበቀ ህገመንግስታዊ ምላሽ ለመስጠት ፍቃደኛ ሳይሆን ቆይቷል። በተጨማሪም የብሄር ብሄረሰቦች ማንነት እኩልነት የማይፈልጉ እና ከታሪክ የማይማሩ ጥቂት ኃይሎች ብዙ መስዋዕት የተከፈለበትን ትግል ለመቀልበስ ክፍተኛ በጀት በመመደብ  በሚቆጣጠሯቸው ሚዲያወች ጭምር በመታገዝ የተቻላቸውን ፀረ-ሕዝባዊ እንቅስቃሴወችን አድርገዋል። ይሄው እኩያ ተግባራቸው በተደጋጋሚ በወጣቱ የነቃ ተሳትፎ እየከሸፈ ቢቆምም በመጨረሻ ከመንግስት ኢ-ህገመንግስታዊ አካሄድ ጋር ተደምሮ መንግስት ላይ ከፍተኛ ጫና በማሳረፍ መንግስት በሚያስተዳድረው ህዝብ ላይ ኢ-ሰብአዊ ጥቃት እንዲፈጽም አድርገዋል።

በሲዳማ ሕዝብ ጥያቄ ዙርያ በምርጫ ቦርድ የተሰጠውን  አወዛጋቢ መግለጫ እና ህዝበ ውሳኔ ለማካሄድ የተቀመጠው የጊዜ ገደብ 11/11/11 ዓ. ም ማለቁን ተከትሎ በቀጣይ ጉዞ ላይ ለመመካከር በሕዝባዊ መገናኛ ስፍራ ጉዱማሌ ለመገናኘት በማቅናት ላይ የሚገኝ ህዝብ ላይ በተወሰደ ወታደራዊ እርምጃ በርካቶች ለሞትና ለአካል ጉዳት ተዳርገዋል። ከዚሁ ጋር በተያያዘ በመላው ሲዳማ ዞን በተፈጠረ አለመረጋጋት የበርካታ ወገኖቻችን ንብረት ወድሟል፣በርካቶችም ተፈናቅለዋል። የመንግስት ወታደሮች በሕዝባችን ላይ የፈጸሙትን ጥቃት ተከትሎ በየአካባቢው የተፈጠረው አለመረጋጋት ወዳልተፈለገ አቅጣጫ እንዳያመራ ሕዝብን ለማረጋጋት፣ አስከሬኖቹን በማንሳት ከተጎጂ ቤተሰቦች ጋር ጊዜ በማጥፋት እና የከፋ የንብረት ውድመት እንዳይከሰት ተጨማሪ ሰው እንዳይፈናቀል  እና የተፈናቀሉት ወደየ አካባቢያቸው ተመልሰው ኑሮአቸውን እንዲመሩ ኤጄቶ ከህብረተሰቡ ጋር በመመካከር ላይ የቆዬ ሲሆን በተከሰቱ ጉዳዮች ዙርያ የሚከተለውን ባለ ሰባት ነጥብ የአቋም መግለጫ አውጥቷል።

1ኛ. የሕዝቡን ዴሞክራሲያዊ የመብት ጥያቄ ሀላፊነት በተሞላበት ሁኔታ መንግስት ከሕዝቡ ጋር በውይይት መፍታት እየቻለ፣ ለሰላማዊ ትግል ቦታ ባለመስጠት የብሄሩ የራስ የማስተዳደር ፍላጎት በኃይል እንዲጨፈለቅ ከሚፈልጉ ኃይላት ምክር በመቀበል የወሰደውን አረመኔያዊ የጭካኔ እርምጃ በጽኑ እናወግዛለን። በወታደራዊ ጥቃት ውድ ህይወታቸውን ላጡና ለአካል ጉዳት ለተዳረጉ ወገኖቻችን የተሰማንን ጥልቅ ሀዘን እንገልጻለን። በሕዝባችን ላይ የደረሰው ከፍተኛ ጉዳት በገለልተኛ አካል እንዲጣራና ለሕዝቡ ይፋ እንዲደረግ እንጠይቃለን።

2ኛ. በተለያዩ ጸረ-ሲዳማ ኃይሎች በተቀነባበረ ሴራ በሲዳማ እና በሲዳማ ዞን ውስጥ ባሉ ሌሎች ወገኖቻችን  መካከል የጥላቻ ግንብ ለማቆም በተሰራ እኩይ ተግባር ንብረታቸዉን ላጡ ወገኖቻችን እንዲሁም ለደረሰባቸው ጉዳት ኤጀቶ የተሰማዉን ጥልቅ ሃዘን ይገልጻል። ይህንኑ ጉዳይ ገለልተኛ የሆነ አካል እንዲያጣራና ለተጎጅዎች አስፈላጊ ካሳ እንዲከፈል እናሳስባለን። ኤጄቶም ከማህበረሰቡ ጋር በመሆን ወገኖቻችን በፍጥነት ወደ መደበኛ ኑሮ አቸው እንዲመለሱ ጠንክሮ እንደሚሰራ እናሳውቃለን።

3ኛ. መንግስት በሲዳማ ሕዝብ ላይ የአፈናና ግድያ ወንጀል ለመፈጸም የመረጃ ልውውጥ መረቦችን ከአገልግሎት ውጪ በማድረግ፣ በአስቸኳይ አዋጅ ስም ዳር ድንበር የሚጠብቀዉን ወታደር በማዝመት በሕዝቡ ላይ እየወሰደ ያለውን የጭካኔ ተግባር በጽኑ እናወግዛለን። ሕዝቡ ሰላማዊ የዕለት ተዕለት ኑሮውን ተረጋግቶ ማካሄድ እንዲችል ወታደሩ ባአስቸኳይ ዞኑን ለቆ እንዲወጣ እንጠይቃለን።

4ኛ. መንግስት የሚቆጣጠራቸዉ የመገናኛ ብዙኃን ተቋማት ሚዛናዊ የሆነ መረጃ ለሕዝቡ እንዲያቀርቡ እየጠየቅን ሚዛናዊነት የጎደለውን ዘገባ በማቅረብ በሲዳማና በሌሎች ህዝቦች መካከል ከፍተኛ ጥላቻ እንዲቀሰቀስ ለአገራዊ አንዲነቱም አደጋ የሚፈጥሩ መረጃወችን ከማሰራጨት እንዲታቀቡ አጥብቀን እንጠይቃለን። ለሕዝብ ሚዛናዊ መረጃ የሚያቀርበው ብቸኛው የሲዳማ ሚዲያ ኔትወርክ (SMN) ስራ እንዲያቋርጥ በማድረግ እና የተቋሙን ስራ አስክያጆች በማሰር የሕዝቡን መረጃ የማግኘት መብት  በመገደብ በመንግስት የተፈጸመውን አስጸያፍ ወንጀል አጥብቀን እንቃወማለን።

5ኛ. መንግስት የሕዝቡን ጥያቄ በማስተጋባታቸው ያሰራቸውን ምሁራን፣ የሚድያ የስራ ሀላፊወች፣ የመብት ተሟጋቾች እና የኤጄቶ እንቅስቃሴ አባላትን በአስቸኳይ እንዲፈታ አበክረን እንጠይቃለን።

6ኛ.  የሲዳማ ሕዝብ ለዘመናት ዋጋ የከፈለበትንና ራሱን በራሱ ለማስተዳደር የወሰነበትን ውሳኔ ምርጫ ቦርድ ኃላፊነት በተሞላበት መንገድ የሚጠበቅበትን ሕዝበ ውሳኔ እንዲያደርግ በአጽንኦት እናስገነዝባለን። ምርጫ ቦርዱ በህግ ከተሰጠው ሀላፊነት ውጪ ለአሻጥር ፖለቲካ በር በመክፈት ዳግም ለሕዝባችን የእልቂትና የሰቆቃ መንስኤ ከመሆን እንዲቆጠብ አጥብቀን እናሳስባለን።

7ኛ. አሁን ያለው የኤጄቶ ትውልድ ለሲዳማ ነጻነት የሚታገል የመጨረሻ ትውልድ  መሆኑ እንዲታወቅ ይገባል። የኤጄቶን ፍጹም ሰላማዊ ትግል የሕዝቡ ህገመንግስታዊ መብት እስክረጋገጥ ድረስ የሚገታ ምድራዊ ኃይል እንደማይኖር ልናስገነዝብ እንወዳለን። በመንግስት እና ጸረ-ህብረ ብሄራዊ ፌዴራላዊ ስርዓት ኃይሎች አማካኝነት የሚገታ የኤጄቶ እንቅስቃሴ ስለማይኖር  የወጣቱን ሰላማዊ የትግል አማራጭ ለመዝጋት የሚወሰደው ማንኛውም እርምጃ በአስቸኳይ እንዲቆም አጥብቀን እንጠይቃለን።

ኤጄቶ

ሐምሌ 29, 2011

ሲዳማ ሐዋሳ ኢትዮጵያ

Ejjeettote Uurrinsha!

Techo Badheessa 17, 2011M.D Ejjeetto Wiinamu Songo Songite, Lamu Sirinyi Aana Aane Nooha Uurrinshate Xawishsha Fushshitino!

1.Layinki gaadi albaanni Deedeni Sidaamu xa’mo gufisate qixxeessino sanade kaiminni aanasi kaajjado qaafo adhinoonniti qaangannite. Konni korinni, Deedeni Sidaamu Zoonenna Hawaasi Quchumi Gashshooti giddo wolqa afi’rannokkiha assine keeshshinonni.

Xaa yannara Deedeni mereerima komite miilla ikkitinori Sidaamu xa’mo aana huluullo kalaqate untanni noo bale suunfe iillinoonni.

Konnira, Sidaamu xa’mo jeefo gansiisate Deedeni buqqisantenni roore, hee’re reyanno qaafo adha hasiissino.

Hee’re reyanno gede assate qara hayyo, miilla aganunni baaxxitanno fushsho ittisanna Deedenita aye songono songa agura hasiissannota hasaambe sumuu yinoommo.

Ikkinohurano, konni aganinni kayinse, Sidaamu Zoonenna Hawaasi Quchumi Deedeni Miilla Aganu Fushsho (መዋጮ) baattannokki gede kaajjinshe sokka sayinsanni qoleno, Deedeni su’minni aye songono songa hasiissannokkita duu’ne xawinseemmo. Ledeno, konni sirnyi gumulo albankeenni Hamusete barra heedhannonke xaphoomu songonni dhaambeemmota ikkitanno.

2. Deedenino ikko ali gashshooti Sidaamu xa’mo injiisaro duumba qolate, woy xiinxallotenni dawarate, hakkiinni sa’uro, keeshshiishate hasatto noonsata ordinsa leellishanno. Tenne mixonsa gafa gansiisate horonsidhanno hayyo giddonni mitte ninke ninkewa mimmito huluullammeemmo ajanda kalaqa ikkinota keennoommo.

Hattenne hexxonsa gafa gansiissate tafa tuqqino garinni anfeno ikko afa hoogatennk yannara meessi manni sada addi addi doogonni feesibuukete aana kayinsanni keeshshinooniti mittimmanke jifate deerra iillitinota masaalloonni.

Konni ka’a kayinni, giddoydi hajo lammeessine, Sidaamu Xa’mo aana calla illachisha hasiissino. Ikkollana, polotiku qiniite adhate amaalamme giddo baandooti aana mitteenni adhinara qaafo agurranna techo barrinni kayinse, meessi manna feesibuukete aana suntannikki gede duu’ne sokka sayinsanni, jaddote korkaatinni coyinsa higgete anga noo mannooti hajo meessa hi’ra e’nikkinni higgete garinni gumulo afidhanno gede xawinsanni, higgete aana hekko kalaqatenni daga hembeelsitanno mannooti eemadhitanno gede egensiinseemmo.

Tini Ilama Sidaamu Qoqqowo Xintate Sharrantanno Goofimarchu Ilamaati!!

Ejjeetto
Hawaasa,

Sidaama

Ethiopia

በኤጀቶ የተጠራዉ የሥራ ማቆም አድማ ረቡዕ፣ ሀሙስና ዓርብ(4-6/7/11ዓም) የከናወናል

የሲዳማ ብሔር ራስን በራስ ለማስተዳደር ካለው ጽኑ እምነት ብዙ ዋጋ ከፍሎአል። ህገ-መንግስት ተከብሮ ለማየትም የበኩሉን ድርሻ እየተወጣ ሰላማዊ ትግሉንም በአሁኑ ወቅት እየገፋ ይገኛል። በዚህ ወቅትም የረፈረንደም ቀን ይቆረጥልኛል በሚል ጽኑ እምነት የተለያዩ መድረኮችንና ሰላማዓዊ ሰልፎችን በማድረግ ቀኑ መዝገየቱን አሳውቋል።

ይሁን እንጂ ይኼ ታሪካዊ ጥያቄን በህገ-መንግስታዊ መንገድ ይመለሳል ብሎ ሲጠባበቅ ለቆየው ብሔርም ሆነ ትግሉን በፊለፊት እየመሩ ላሉት ኤጄቶዎች በማያገባቸው እየገቡ ከዚህ ቀደም ደም እንዳፈሰሱ እንደለመዱት ያንን ለመድገም የሚያሰሩ ፖለቲከኞች ስብስብ መደራጀቱንና ጥያቄውን ለማድብዘዝ አመራር በማሸማቀቅ ጥያቄውን ለመቀልበስ የሚከጅሉ እንዳሉ ደርሰንባቸዋል።

ደኢህዴን ጭምር ለዚህ ዋና ተዋናይ መሆኑን አምነን በቅርቡ የነበራቸው ስብሰባ እንዲበትኑ ሆኖአል። በቀጣይም ስብሰባውን አቃርጦ የወጡትን ጀግና አመራሮቻችንን በአጉል ስብከት ለማስማማትና ይቅርታ ጠይቁ በማለት በማስገደድ ላይ ይገኛል።

ደኢህዴን በኢህገ-መንግስታዊ አካሄድ እድሜውን ለማራዘም የሲዳማን ክልል የመሆን ያለቀ ጥያቄ ጋሬጣ እየሆነ ስለሆነ የረፈረንደም ቀን ተቆርጦ እስካልተነገረ ተከታታይ አቋሞችን ኤጄቶ ለመያዝ ይገደዳል።

የሽማግሌ ሾንጎም ኤጄቶን መርቆ የትግሉን ችቦ በማስረከቡ በሲዳማ ምድር ለ3 ቀናት የሚጸና የስራ ማቆም አድማ እናደርጋለን።

ቀኑ:- መጋቢት 4-6/2011 ዓ.ም ነው።

የማይሰሩ መስራያ ቤቶች
…በሀዋሳ ምድርና በሲዳማ ዞን ውስጥ ያለ የፈዴራል፣ የአሮገ ክልል፣ በከተሞችና በዞኑ ወረዳ እስከቀበሌ ያሉ የመንግስት፣ መንግስታዊ ያልሆኑ ድርጅቶች፣ ባንኮች፣ከፍተኛ ትምህርት ተቋማት እስከ LKG፣ የግል ድርጅቶች ጨምሮ ለሶስቱም ቀን ካለምንም ማስጠንቀቂያ መዝጋት ይጠበቅባቸዋል።

በቀኑ የማይዘጉ አገልግሎቶች

የህክምና አገልግሎት ሰጪ ተቋማት፣ ፖሊስ መስሪያ ቤቶች ፣ ፍርድ ቤቶች፤ የንግድ ሱቆችና የምግብ መጠጥ አገልግሎት ሰጪ ተቋማት፣ ገበያዎች፣ የመንገድና ትራንስፖርት አገልግሎት፣ የኃይማኖት ተቋማት፣ በንሳ ኤፍ ኤም፣ የውሃ፣ የመብራትና የቴሌ አገልግሎቶች በተለመደው አኳሃን ሥራቸውን ለመስራት ይገዳሉ/በእነዚህ ቀናትም የተለመደ ሥራቸውን ያከናወናሉ።

ማስጠንቀቂያ!
# የደኢህዴን ቢሮችና ጽ/ቤቶች ከቅዳሜ ጀምሮ እንደተዘጉ ይቀጥላሉ።

ማንኛውም በደኢህዴናዊ ዓይን የተቃኘ ስብሰባ ለመሰብሰብ ይቅርና ያሰበ ጠሪም ሆነ ተጠሪ የተከለከለ ነው። የሲዳማን ክልል ጥያቄ ጉዳይን ለመወያየት እንደ አጀንጃም ሆነ እንደመነጋገሪያ ተደርጎ የሚቀርብ ስብሰባ ላይ መገኘት የተከለከለ ነው። ከዚህ ውጪ እንቀሳቀሳለሁ የሚል የሲዳማም ሆነ ሌላ ተለጣፊ አመራር ካለ ካለምንም ቅድሜ ማስጠንቀቂያ ኤጄቶ እርምጃ ይወስዳል።

በሶስቱ ቀናት ውስጥ በተዘጉ መ/ቤቶች ቢሮ ገብቶ ሲሰራ የተገኘ አካል ወይም ቡድን ላይ ኤጄቶ ባለው አደረጃጀት ተመጣጣኝ እርምጃ ይወስዳል።

በእነዚህ ቀናት ውስጥ የማንኛውም ግለሰብ ንብረት ኤጄቶዎች ከያዙት አቋም ውጪ ሆኖ ሲሰርቅ፣ ሲዘርፍ፣ ከግለሰቦች ጋር ለጥልና ለስድብ ለሚነሳ፣ የሰውን አካል በማጉደል የሚሳተፍ ማንኛውም ግለሰብና ቡድን ላይ እርምጃ ይወሰዳል። አስፈላጊ ሆኖ ስገኝም ለህግ-ተላልፎ ይሰጣል።

ባለሀብት ነን በማለት ሰርቀው በልጽገው የሚኩራሩትንና ሲዳማን የሚጎዳ ደኢህደናዊ ስራ የሚደግፉ አካላት ላይ ጠንካራ እርምጃ ይወሰዳል። የሚኩራሩትን ሀብታቸውን ከጥቅም ውጪ እስከማድረግ።

ስልጣን በመመካት የሚንቀሳቀስ ማንኛውም ፖለቲከኛ ሆነ አደረጃጀት ላይ መረጃ ጎን ለጎን በመላክ እርምጃ ይወሰዳል።

የረፈረንደሙ ቀን ባለነው ሳምንት ቀኑ ተቆርጦ ለህዝባችን ካልተገለጸ ድረስ ቀጣይ ተከታታይ እገዳና የባሰ ማዕቀብ ለማወጅ ጨርሰን እየተጠባበቅን እንገኛለን። ኤጄቶም በየቦታው በተጠንቀቅ ይንቀሳቀሳል!

ታግለን መብታችንን የሚናስከብር እንጂ በችሮታና በድርጅቶች መልካም ፈቃድ የሚሰጥ መልስ ተቀባይነት የለውም!

“ይህ ለሲዳማ ህዝብ አርነት የሚታገል የመጨረሻው ህዝብ ነው!”

እውነት ትፍረድ!

ኤጄቶ
ሀዋሳ

ሲዳማ

ኢትዮጵያ

በመላው ዓለም የሚኖሩ የሲዳማ ተወላጅ ኢትዮጵያዉያን በወቅታዊ የሲዳማ ጉዳይ ላይ ያወጡት የአቋም መግለጫ

በመላው ዓለም የሚኖሩ የሲዳማ ተወላጅ ኢትዮጵያዉያን በወቅታዊ የሲዳማ ጉዳይ ላይ ለመምከር በማርች 10 ቀን 2019 አስቸኳይ ስብሰባ አድርገዉ የሚከተለዉን ባለ 10 ነጥብ የአቋም መግለጫ አዉጥተዋል።

1ኛ. የሲዳማ ሕዝብ ላለፉት በርካታ አመታት የራስን እድል በራስ ለመወሰንና የራሱ የሆነ ክልላዊ መዋቅር ዘርግቶ ለመተደደር የአገርቱን ህገመንግስት ተከትሎ ፍጹም ሠላማዊ በሆነ መንገድ የጠየቀውንና የተለያዩ ደረጃወችን አልፎ ህዝቤ ውሳኔ እንድያደራጅ ለምርጫ ቦርድ የቀረበውን ጥያቄ ለማስተጓጎል ደኢህዴን የሚያደረገውን ማንኛውንም ህገ ወጥ ዘመቻ አጥብቀን እንቃወማለን።

2ኛ. የሲዳማን ሕዝብ ሲዳማ ለማድረግና በሲዳማ እንድሁም በአከባቢው ያለውን የመልካም አስተዳደር ችግር ለመቅረፍ፥ በሕዝቦች ፍለጎት ላይ የተመሰረተች፣ ፈደራላዊና ዲሞክራሲያዊ ስርዓት የተዘርጋባት፣ የዜጎች እኩልነትና ፍትህ የሰፈነባት እና ሕዝብ የሥልጣን ባለቤት የሆነባትን ኢትዮጵያ ለመገንባት የሚታገለውን የሲዳማ ባለራዕይ ትውልድ የኤጄቶን ሠላማዊ ትግል በመሉ ልብ እንደግፋለን።

3ኛ. በሲዳማ የለውጥ ኃይል እና የመልካም አስተዳደር ናፋቂ ትውል ኤጄቶ ላይ የሚደረግ ስም የማጥፋትና የማጥላላት ዘመቻን አጥብቀን እንቃወማለን።

4ኛ. ሲዳማንና የሀዋሳን ከተማ ለማለያየት የሚደረግ ማንኛውንም እንቅስቃሴ እንድሁም ለየብቻ የሚደርግ የሕዝብና ቤት ቆጠራ በሲዳማ ህዝብ ሉአላዊነት ላይ የሚደረግ ጦርነት በመሆኑ አጥብቀን እንቃወማለን።

5ኛ. ደኢህዴን በሲዳማ ሕዝብ ጉዳይ ላይ የምያሳልፈውን ማንኛውንም ኢህገመንግሥታዊና እራሱ ደኢህዴን በምክር ቤቱ የወሰነውን ውሳኔ በመሻር የሲዳማ ሕዝብ ክብር የሚነካና መርዎቹን የምያሸማቅቅ እንዲሁም የለውጥ ሀዋርያ ኤጄቶን የሚያጥላላ በተጨማሪም የሲዳማ ሕዝብ ከሊህቅ እስከ ደቅቅ ከልጅ እስከ አዋቂ በጋራ የጠየቀውን ህገመንግሥታዊ ጥያቄ የሚያንቋሽሽ ሰነድ አጥብቀን እንቃወማለን።

6ኛ. በሲዳማ ተወላጅ የደኢህዴን ተላላኪወችና የፈዴራል ስርዓት ተቃዋሚ ኃይሎች ቅንጅት በሲዳማና በአከባቢው በሚኖሩ ሕዝቦች መካከል ልዩነት ለመፍጠር እንዲሁም የሲዳማን ሕዝብ ለመከፋፈልና ለማለያየት የምደረገውን ማንኛውንም አይነት ሴራ አጥብቀን እንቃወማለን።

7ኛ. በማንኛውም ጊዜ በሚቻለን ሁሉ በሲዳማ ሕዝብ መርዎችና በኤጄቶ ጎን ለመቆም ያለንን ዝግጁነት በአጽንዖት እንገልፃለን።

8ኛ. የሲዳማ ሕዝብ ከደኢህዴን የሚደረግበትን ትንኮሳ ሳይበገር ሠላማዊና ህገመንግሥታዊ ጥያቄውን ከዳር ለማድረስ ከመቼውም በላይ አንድነቱን ጠብቆ በመመካከርና በመደማመጥ እንድጓዝ በአጽንዖት እንጠይቃለን ።

9ኛ. የኢትዮጵያ መንግስት እና ምርጫ ቦርድ ለሲዳማ ሕዝብ ህገ መንግሥታዊ ጥያቄ በህገመንግሥት ላይ ብቻ የተመሰረተ ውሳኔ ለመስጠት በአስቸኳይ ህዝቤ ውሳኔ እንዲያደራጅ አጥብቀን እንጠይቃለን ።

10ኛ. በሀገርቷ ላይ የመጣዉን ለዉጥ ሙሉ በሙሉ የምንደግፍ መሆኑንና ይህንን ደግሞ ወደኃላ ለመቀልበስ የሚደረገዉን ማንኛዉንም ዓይነት እንቅስቃሴ አጥብቀን የምንቃወም መሆኑን እንገልጻለን።

“ዳግም በሲዳማ ምድር ፀሀይ አትጠልቅም” እግዚአብሄር አገራችንን ኢትዮጵያ ይባርክ አሜን!!
የሲዳማ ዲያስፖራ ማህበረሰብ
ማርች 10 ቀን 2019
ከመላው ዓለም!

ከሲዳማ ኤጄቶ በወቅታዊ በሲዳማ አካባቢ ስላለዉ የሃገራችን ሁነታ ላይ የተሰጠ መግለጫ

የሲዳማ ህዝብ ከምዕተ ዓመት በላይ በኃይል የተቀማውን ማንነት ለማስመለስ ስታገል ኖሯል። ያሁኑ ትዉልድም ቀደምት አባቶቻችን እንደታገሉ ሁሉ ላለፉት 27 ዓመታት በህወሃት አገዛዝ ሥር ይህንን ጭቆና አጥብቆ በመቃወም ትግል ሂደት ዉስጥ ብዙ መስዋዕት ስከፍል ኖሯል። በተለይም ህዝብን ሳይሆን ህወሃትን የወከለዉ ደኢህዴን የሲዳማን ሕዝብ እንደጠላት በመቁጠር በሕዝባችን ላይ ስፈጽም የቆየዉ በደል ተቆጥሮ የሚያልቅ አይደለም። በደኢህዴን መርነት ሕዝባችን በጅምላ ተፈናቅሎ መረቱን ተነጥቋል። በደኢህዴን መርነት ሕዝባችን የጅምላ ጭፍጨፋ ተፈጽሞበታል። በደኢህዴን አገዛዝ ሥር ሕዝባችን መብቱን አጥቶ የበይ ተመልካች ሆኖ ኖሯል። በህዝባችን ላይ የሚደርሰዉ በደል እየተባባሰ ሲሄድ ባለፉት ረጀም ዓመታት በስዉር ሲታገል የቆየዉ የሲዳማ ኤጄቶም ትግሉን በገሃድ ተቀላቅሏል።

ከባለፈዉ አመት ጀምሮ ብዙ መስዋእት ተከፍሎ ለሃገራችን የነጻነት ነፋስ ብነፍስም በሲዳማ ምድር ላይ በደኢህዴን አቀነባባርነት የሰላም መደፍረስ እየተባባሰ ሄዷል። ለምሳሌ ባለፉት 10 ወራት ብቻ ደኢህዴን የሲዳማን አይንና ብለን የሆነዉን የሃዋሳን ከተማ በጥር 4 2010 ዓ ም ከሲዳማ አስተዳደር በማዉጣት የራሱን ግዛት ለማድረግ ዉሳኔ አስተላለፈ። ከዝያም  የተከበረዉን የሲዳማ የዘመን መለወጫ ወይም ፍቼ ለብዙ መቶ አመታት እንደተለመደዉ በሃዋሳ ከተማ እንዳይከበር የራሱን መግለጫና ማስፈራርያ በማዉጣት በዓሉን የግጭት ለማድረግ ብዙ ሞከሬ። በመቀጠልም የሲዳማን ሕዝብ እንደኋላ ቀርና አረመኔ አድርጎ በማስመሰል ባቀነባበረዉ ግጭት አዋሳና አከባቢዉ ወደጦርነት ቀጠናነት ተለወጡ። በነዝህም ግጭቶች ከ40 በላይ ሰላማዊ የሲዳማ ሕዝብ የሞት ሰለባ ሆኑ።  ከሲዳማ ምድር በተዘረፈዉ ገንዘብ ሚድያና አክትቭስቶችን እየገዛ የሲዳማን ሕዝብ ዒላማ ማድረጉን ተያያዘዉ።

ኤጀቶና የሲዳማ ሕዝብ ባደረገዉ ብርቱ ትግል ደህደን በ10ኛዉ መደበኛ ጉባኤ የሲዳማን ህዝብ የክልል ጥያቄ ተቀብሎ ህጌ መንግስታዊነቱን አምኖ መቀበሉንና ህጉን ተከትሎ እንዲያልቅ መወሰኑ የሚታወስ ሲሆን ለሲዳማ ሕዝብ ከነበረዉ ንቀት የተነሳ ይህ ህደት እንድጓተት ማድረጉ ብቻ ሳይሆን በትናንትናዉ እለት ከደኢህዴን በየደረጃው የሚገኙ አመራሮችን ለማወያየት በጠራው መድረክ ላይ ለውይይት ቀርቦ በነበረው የመወያያ ሰነድ ላይ የሲዳማን ሕዝብ ህልዉና  አደጋ ላይ የሚጥለዉን ኢ_ህገ መንግስታዊ አጀንዳ ይዞ በመምጣቱ የሲዳማን ሕዝብ በመላ በማስቆጣቱ ምክኒያት በ28/6/2011 ኤጄቶ መግለጫ ማውጣቱ የሚታወስ ነው።

ይህንን ኤጄቶ ያወጣውን ሰላማዊ የዕቀባ ጥሪ ወደ ጎን በመተው አንድ አንድ የደኢህዴን አመራሮች ወደየመወያያ አዳራሾቻቸው መምጣታቸውና ይህንንም ተከትሎ በሁሉም አዳራሾች የነበሩ ስብሰባዎች እንዲቋረጡ ከየወረዳ በተወጣጣው ኤጀቶች ስብሳባዉ እንቋረጥ አስደርጓል። ስብሰባውም ኤጀቶ በሚከተለዉ ፍጹም ሰላማዊ በሆኔ ትግል ያለአንዳች ጉዳትና ያለመንግስት ንብረት ውድመት  ተፈጽሟል። በማስከተልም  የደኢህዴንን ባንድራወች እንድወርዱ ተደርጓል።

ይህንን ተከትሎ በ29/6/2011 የደኢህዴን ልሳን በሆነው ደቡብ ቴሌሺዥን የደኢህዴን ስራ አስፈፃሚ የማስፈራሪያ አዘል መግለጫ አውጥቷል። መግለጫው የንጹሃን ልጆች ደም መጣጩ ኃይል ተስፋ የመቁረጥ ሁነኛ ምልክት እንደሆነ ግልጽ ነው። በፈደራል ምንግስት በተደጋጋም በሰላም ትግሉና ሰላም በማስከበሩ የተመሰከረለትን ኤጀቶ ጥቂት የተደራጀ ቡድን ነው ማለታቸውም የድርጅቱ በተስፋ መቁረጥ ብዥታ ውስጥ መሆኑን ነው። ኤጀቶን ከሲዳማ ሕዝብ መለየትም የሲዳማን ሕዝብ አቅም አለመገንዘብ ነዉ። በኤጀቶ አስተባባርነት ባለፈዉሳምንት የተካሄደዉ የሚልዮን የሲዳማ ሕዝብ ሰላማዊ ሰልፍ እራሱ ለዝህ በቅ መልስ ነዉ።

ስለሆነም፥ ይህንን የህዝቡን ህገመንግሥታዊ ጥያቄ ለመቀልበስና ህገመንግሥቱን በጠራራ ፀሓይ እየናደ የሚገኘው ድርጅት አሁንም ፀረ ህዝብ የሆነ እንቅስቃሴውን እንደሚቀጥልና ኤጄቶዎችን በህግ ቁጥጥር ሥር አውላለሁ ሲል የቀን ቅዥቱን ያስተጋባበትን አስመልክቶ የሲዳማ ኤጄቶ የሚከተለውን አስቸኳይ የአቋም መግለጫና የትግል ጥሪ ግብዣ አውጇል።

  • በመጀመሪያም ደኢህዴን ሰነዱን ስያዘጋጅ ህዝብን የሚጠቅምና ለውጡን የሚያስቀጥል ቢያንስ የዓይኔ ብሌን ብሎ የሚኩራራባቸውን አመራሮቹን የሚያሳምን ሰነድ መሆኑን አረጋግጦ መቅረብ ነበረበት። ይኼንን አላደረገም። የራሱ ጸረ-ሰላማዊ አጀንዳ መሆኑን አጥንቶ ተዘጋጅቶ ቀርቧል። ቢሆንም ገና ከንባቡ ነው ተቃውሞ የገጠመው…
  • ሌላውና ቁልፉ ጉዳይ አመራሮቹ መድረኩን ረግጦ ሲወጡ ችግሩ ላይ እልባት ወይም በ25 ዓመታት የለመደውን መግለጫውን ማውጣት ነበረበት። ችግሩ መነሻው ራሱ ደኢህዴን በመሆኑ።
  • ሌላኛው ጉዳይ ወደ መግለጫ ከመሮጥ ትተው ይህን ያህል ህዝብ የደኢህዴንን ሸረኝነት እያወገዘ ለምን አደባባይ ወጣ ብሎ ራሱን ወይም ስህተቱን ገምግሞ ማረም ሲገባው እንደለመደው “እየታደሰ እንደሚሰራና እየሰራ እንደምታደስ” አሳውቋል።

በደኢህዴን ስራ የተወረርነውና ታርካችን ከተፋቀው ውጪ የሲዳማ ህዝብ ከደኢዴን ያገኘው የተለየ ጥቅም የለም።

ደኢህዴንም የሲዳማን ሉዓላዊነት እየናደና ህገ-መንግስቱን ወደ ጎን በመተው የጉልበት ፖለቲካ አቋም በህዝባችን መልካም ስም በማጉደፍና ባህላዊ ትርፊቶቹን በማንቋሸሽ ህዝባችንን በድንቁርና መንገድ ለመንዳት በመምረጡ ከዚህ በታች ያለውን አቋም መግለጫ ምላሽ ሰጥተናቸዋል።

  1. የደኢህዴን መግለጫ የህዝቦችን አብሮ የመኖር እሴት በመሸርሸርና በህዝቦች መካከል ጥርጣሬን በመፍጠር እድሜውን ለማስቀጠል ያለመ በመሆኑ ይህንን መግለጫ አጥብቀን እንቃወማለን! የሲዳማ ህዝብም ሆነ የተመለከተው ማህበረሰብ ክፍል ተፈጻሚ አያረገውም።
  2. ለውይይት የቀረበው ሰነድ የሲዳማን ህዝብ ስምና ክብር የሚያጎድፍ በመሆኑ በዚህ ሰነድ ዝግጅት ላይ የተሳተፉ ማናቸውም ግለሰቦችም ሆነ ቡድኖች በአስቸኳይ ለፍርድ እንዲቀርቡ አጥብቀን እንጠይቃለን።
  3. የሲዳማ ህዝብ የራስ በራስ የማስተዳደር ጥያቄ ብቻ የጠየቄ በመሆኑ ለሎች ወንድም ህዝቦች ላይ የሚነዛው የፕሮፖጋንዳ ዘመቻ የህዝቦች አብሮ የመኖር መስተጋብሮችን የሚያበላሽ በመሆኑ በአስተኳይ እንድቆም የፕሮፖጋንዳ ማሽኖች ደኢህዴንና የኢሳት ሚዲያ በህግ እንድጠየቁ በድጋሚ እናሳስባለን።
  4. የኤጄቶን መግለጫ በመናቅ ማንኛውንም ደኢህዴናዊ ስብሰባ ለመሳተፍ የሚንቀሳቀሱ ኃይሎች ከድርጊታቸው እንዲታቀቡ አጥብቀን እናሳውቃለን። ይህንን ዕቀባ በመተላለፍ ከሚያርፉበት ሆቴል እስከ መሰብሰቢያ አዳራሽ ለሚደርስባቸው ጉዳት ኃላፊነቱን ራሳቸው ይወስዳሉ!!
  5. ከዛሬ አርብ 29 የካቲት 2011 ዓ.ም ጀምሮ የደኢህዴን ጽ/ቤቶች ከሀዋሳ ከክልል እስከ ቀበሌዎች ስራ ያቆማሉ; ንብረት የህዘብ ሀብት ስለሆነ በማንኛውም ሁኔታ አይነካም!!
  6. የደኢዴህዴን ዓርማ ያለበት ማንኛውም ታፔላ፣ ጽሁፍም ሆነ መልዕክቶች እንዲሁም የደኢህዴን መራሹ የደቡብ ባንዲራ ከሀዋሳ ከተማ እስከ ሲዳማ ሁሉም ቀበሌዎች ይወርዳል፤ ሁለተኛም አይሰቀልም! ሌላ ባንዲራ ስለሌለንና ህጋዊነትን ለመጠበቅ ሌላ አይሰቀልም፤ የኢትዮጵያ ባንዲራ ብቻ በመላው ሲዳማ ይውለበለባል!!
  7. በሲዳማ ምድር የሚኖርን ከደኢዴናዊ አጀንዳ ያልተበረዘ ማንኛውንም ኢትዮጵያዊ ዜጋ ራሱ የእኛ ወገን በመሆኑ አብሮን የሚሰለፍ ይሆናል። አብሮን የሚኖሩትን ህዝቦችን መንካት ቀርቶ በክፉ ዓይን ያዬ እሱ ከደኢህዴን የተወለደ ድቃላ መሆኑን ተገናዝበን ተመጣጣኝ እርምጃ መንግስት እንዲወስድና የዜጎችን የሰብዓዊ መብቶች ሳይሸራረፉ እንዲያስከብር ሙሉ ድጋፋችን እንሰጣለን! የከተማችን ፀጥታ እንዲደፈርስ የፈለገው እንዳይሳካለት በተጠንቀቅ የየአካባቢዎቻችን ፀጥታ እንጠብቃለን!
  8. የአፊኒ ባህል ባለቤትቶች የሆንን እኛ፤ እርስ በእርስ ከዚህ ቀደም እንደምናደርገው ሁሉ እየተደማመጥን የምንሄድ ሲሆን ከዚህና ሌሎች የኤጄቲዝም መርሆዎች ውጪ የሚንቀሳቀስ ታጋይ ትግላችንን የሚገል ስለሆነ እሱ ራሱ ደኢህዴን ነው!
  9. በህዝብ እና ቤት ቆጠራ የሃዋሳ ከተማን ከሲዳማ ዞን ለይቶ ለመቁጠር የተዘጋጀውን አካሄድ ሆን ተብሎ የሲዳማ ዞን እና የሃዋሳ ነዋርዎች ለማለያየት የተወሰደ እርምጃ በመሆን አጥብቀን እንቃወማለን ።
  10. ከሀዋሳ እስከ ጭሬ ያለህ የሲዳማ ህዝብ ሆይ!! ወገብህን ጠበቅ አድርግ፣ ከዚህ ቀጥሎ ለምናደርገው ማንኛውም የትግል ጥሪ ዝግጁ በመሆን በተጠንቀቅ ነቅቶ የሚጠብቅ ይሆናል።

“የሲዳማን ህዝብ ህገ መንግሥታዊ ጥያቄ ከዳር ለማድረስ የሚታገል የመጨረሻ ትዉልድ”

ኤጄቶ (Ejjeetto)

የካቲት 29 ቀን 2011

ሐዋሳ

በሲዳማ አካባቢ ስላለዉ የሃገራችን ወቅታዊ ሁኔታን በተመለከተ ከኤጀቶ የተሰጠ መግለጫ

breakingfreeበሀገራችን አንጻራዊ ሰላም እየሰፈነ ባለበት ባሁኑ ወቅት የሲዳማ ሕዝብ ከለሎች ኢትዮጵያዉያን ወገኖቹ ጋር ሆኖ በህግ የበላይነት የሚትመራና ሁሉም ተከባብሮና ተፈቃቅሮ የሚኖርበትን ሀገር ለመመስረት ያለዉን ሕልም እዉን ለማድረግ በጉጉት እየተጠባበቀ ባለበት ጊዜ የሲዳማ መሬት በሃገራችን የመጣዉን ለዉጥና የሲዳማን ሕዝብ የነጻነት ጉዞ በሚቃወሙ ኃይላት እየተቀነባበሬ በየጊዜዉ ለሚላኩ ሰላምን ለሚያደፈርሱ ዉዥምብሮችና ግጭቶች  ማስተናገጃ ስፍራ መሆኑ ግን አልቀረም። የሲዳማ ሕዝብ  ባለፉት 9 (ዘጠኝ) ወራት ዉስጥ ብቻ በዚሁ ሴራ ከ30 በላይ ተወላጆቹን ያጣ ሲሆን በ100 በሚቆጠሩት ላይ ደግሞ ከባድና ቀላል የመቁሰል አደጋ ደርሶባቸዋል። ይህ ሁሉ ግፍ በሕዝባችን ላይ እየተፈጸመ ለዉጡ በሲዳማ ዉስጥም ተገብሮ የሲዳማ ሕዝብ ድምጽ የምሰማበት ወቅት ይመጣል ብሎ ሕዝባችን ብታገስም ማንነቱንና ሕልዉናን አደጋ ላይ የሚጥሉ ሁናተወች ግን መልካቸዉን እየቀየሩና እየተባባሱ እንጅ እየቀነሱ አልሄዱም።

ለአብነት ለመጥቀስ ያህል ባሳለፍነዉ ሣምንት ብቻ የኢትዮጵያ ሰብአዊ መብቶች ጉባኤ (ሰመጉ) ባወጣዉ ሪፖርቱ ላይ ከዚህ በፊት በጸረ ለዉጥ ሃይሎች በተቀነባበረዉ ግጭት ከሲዳማም ሆኔ ከወላይታ በኩል ብዙ ነፍስ መጥፋቱ የሚታወስ ቢሆንም ሪፖርቱ ግን ከሁለቱም በኩል የሞቱትን በአንድነት ደምሮ በሲዳማ ብሄር ተወላጆች በተፈጸመ ጥቃት የተገደሉ የወላይታ ተዎላጆች ብሎ በማያሻማ ሁኔታ መላዉን የሲዳማ ብሔር እንደወንጀለኛ መፈረጁና ግድያዉንም ከግጭቱ በፊት በሰላም ከተጠናቀቀዉ ከሲዳማ አመታዊ ፊቼ በዓል ጋር ለማገናኘት መሞከሩ የተቋሙ በሀገራችንና በአለም አቀፍ ደረጃ ካለዉ ተሰምነት ጋር አያይዞ በመመልከት የችግሩን አሳሳብነት ለመገመት አዳጋች አይሆንም።

በሌላም በኩል ደግሞ ዘመን ተሻጋር የሆነዉንና ብዙ መስዋዕት የተከፈለበትን የማንነትና የራስን እድል በራስ የመወሰን ጥያቄ ህገ መንግስትን ተከትሎ በየደረጃዉ ዉይይት ተደርጎ የደ/ብ/ብ/ህ/ክ/መ/ም/ቤት የህገ መንግሥቱን ህደት ተከትሎ እንድያልቁ ባስቀመጠዉ አቅጣጫ መሠረት አሁን ረፈረንደም ብቻ በቀረበት ወቅት አንዳንድ ሃይሎችና ግለሰቦች ይህንን የብዙ ሚልዮን ሕዝብ ድምጽ ለማፈን ስሯሯጡ ይታያሉ።

የሲዳማ ሕዝብ ለማንነቱ ከማንም ጋር ተደራድሮ አያዉቅም። የሲዳማ ሕዝብ አሁን ላለበት ደረጃም የደረሰዉ ማንነቱ እንድከበር  ከደርግ ጋር ተፋልሞ ብዙ መስዋዕት ከፍሎ ደርግ ከወደቀ በኋላ ይህንን መብት እዉን ለማድረግ አሁን በሥራ ላይ ያለዉን ሕገ መንግስት ለማርቀቅ ከሽግግሩ መንግሥት አካል የነበረዉ ለነጻነቱ በከፈለዉ መስዋዕት እንጅ በማንም በጎ ፈቃድ ወይም ከባዶ ተነስቶ አይደለም።አሁን ለመጣዉም ለዉጥ የበኩሉን ድርሻ ተጫዉቷል። የሲዳማ ሕዝብ ለሰላም ካለዉ ጽኑ ፍላጎት የተነሳም ጠቅላይ ሚ/ር አብይ አህመድን በያለማመንታት ሁለት እጁን ከፍቶ ‘ዳወኤ ቡሹ’ ብሎ ተቀብሎ አሁንም ለዉጡ የተሳካ እንድሆን ከኤጄቶ ጋር በመሆን በትጋት እየሠራ ይገኛል።

ስለሆነም አሁን ላለዉ ወቅታዊ ጉዳይ ኤጄቶ የሚከተሉትን ባለስድስት ነጥብ የአቋም መግለጫ አዉጥቷል፤

  1. የሲዳማን ሕዝብ ባሁኑ ሰዓት በሞግዝትነት የሚመራዉ ደሕደን(ደቡብ ሕዝቦች ደሞክራሲያዊ ንቅናቄ) ላለፉት 27 አመታት ሕዝባችንን እያፈናቀለና እያስገደለ የቆየና አሁንም የተለያዩ አጀንዳዎችን አቀነባብሮ በማምጣት ሰላም ፈላጊዉን ህዝብ እየተተናኮለ ያለ ነዉ። በቅርቡ በሃዋሳና በአከባቢዉ ለተፈጠሩ ለጸጥታ ችግሮችና ለጠፋዉም ህይወት ደኢህዴን ተጠያቅ እንደሆኔ ኤጄቶና የሲዳማ ሕዝብ ብቻ ሳይሆን መንግስትም ያምናል። ስለዝህ ባሁኑ ጊዜ የዝህን ወንጀል ተሳታፍወች በህግ ፍት ለማቆም እየተሰራ ባለዉ የምርመራ ሥራ ላይ እነዚሁ ተጠርጣር አካላት የተሳተፉበት በመሆኑ ዉጠቱ በሲዳማ ሕዝብ ዘንድ ተአማንነት ወይም ተቀባይነት ስለማይኖሬዉ ገለልተኛ አካል በአስቸኳይ ተቋቁሞ እንድጣራና ወንጀለኞቹ በቶሎ ለፍርድ እንድቀርቡ እንድደረግ በአጽንኦት እንጠይቃለን።
  2. የኢትዮጵያ ሰብአዊ መብቶች ጉባኤ (ሰመጉ) በኢትዮጵያ መንግስት እዉቅና የተቋቋመና በኢትዮጵያውያን ላይ የሰብአዊ መብት ጥሰትን ለመከላከል ጥብቅና ለመቆም ትልቅ ኃላፍነትን የተሸከመ ቢሆንም ለዚህ እዉነታ ቅንጣት ያህል ሳይጨነቅ የጥቅት ግለሰቦችና ቡድኖች መልዕክት ለማስተላለፍ ታስቦና ሆን ተብሎ የመላዉን የሲዳማን ሕዝብ ማንነት ላይ የሚያነጣጥረዉን የሰመጉ 146ኛ ልዩ መግለጫ ኤጄቶ በጽኑ ያወግዛል፤ በአስቸኳይ ማስተካከያ ተሰጥቶ እንደገና ታትሞ ለመገናኛ ብዙሃን ከተገለጸ በኋላ ጉባኤዉ የሲዳማን ሕዝብ ይቅርታ እንድጠይቅ አጥብቀን እናሳስባለን።
  3. የዶ/ር አብይ አህመድ ዘመን ‘የጥድፍያ’ ሳይሆ ለረጅም አመታት ብዙ መስዋዕት እየተከፈለ ሳይመለስ የቆየዉን የሲዳማ የክልል ጥያቄ በህገ መንግስቱ ላይ በተቀመጠዉ ሂደት መሠረት ሁሉን ደረጃ አልፎ የቀረዉን የረፈረንደም ጉዳይ ሕዝቡ በጉጉት እየተጠባበቀ ባለበት ባሁኑ ሰዓት የሲዳማን ጥያቈ ከድንበር ጉዳዮች ጋር ለማገናኘትና እንደ አድስ ጥያቄ በማስመሰል ለማጓተት ተብሎ በአንዳንድ ሕግን በማያዉቁ አካላት የተጀመረዉን ዘመቻ አጥብቀን እናወግዛለን። ይህ የሚልዮኖች ሕዝብ ድምጽ ህገ መንግስቱን ተከትሎ በእስቸኳይ ሕዝበ ዉሳነ ተደርጎ ተፈጻሚ እንድደረግ አጥብቀን እንጠይቃለን። የሲዳማ ዞን አስተዳድርም ይህንን ህደት ለመከታተልና ለማስፈጸም ሕጋዊ አካል ያለዉ በመሆኑ ህደቱን በኃላፍነት በመከታተል ለሕዝቡ በየጊዜዉ ጉዳዩ የደረሰበትን በማሳወቅ ድርሻዉን እንድወጣ ኤጄቶ ያሳስባል።
  4. የሲዳማ ሕዝብ የራሱን እድል በራስ ለመወሰን ከምን ጊዜዉም በላይ አንድ በሆነበት ወቅት በተለያዩ አካላት በጄት ተመድቦ ይህንን አንድነት ለመናድ ተልዕኮ ወስደዉ የምንቀሳቀሱ አካላት እንዳሉ ኤጆቶ ያዉቃል። በዚህ በጥፋት መንገድ የተሰማራችሁ ግለሰቦችና ቡድኖች ከሲዳማ ሕዝብ ላይ እጃችሁን በእስቸኳይ እንድትሰበስቡ ኤጄቶ ያስጠነቅቃል።
  5. የሲዳማ ሕዝብ የመብት ትግል ከዚህ በኋላ ወደኋላ እንደማይመለስ ጠላትም ወዳጅም ልገነዘብ ይገባል። ህጋዊ መብቶቹም የሚመለሰዉ ወይም የሚከለከለዉ በአሉባልታ ወሬ ወይም በሰዎች በጎነት ላይ ተመሰርቶ ሳይሆን በሕገ መንግስት ላይ በመመስረት መሆኑን በመገንዘብ በበሬ ወለደ ዉሸት በማህበራዊ ሚዲያ አዉታሮች፥ በተለያዩ መድረኮች፥ እንድሁም አንዳንድ ተለቭዥንና ረድዮ በመጠቀም ለተሰጣችሁ ተልእኮ በተከበረዉ የሲዳማ ሕዝብ ስም ላይ ጥላሸት ለመቀባትና እንድሁም ከሲዳማ ሕዝብ ጋር ተዋልዶና ተፈቃቅሮ አብረዉ በሚኖሩ ከለሎች ወንድም ሕዝቦች መሃል ጥላቻና ግጭት በመሥራት ዘመቻ ላይ የተጠመዳችሁ አካላት ባስቸኳይ እንድታቆሙ እናሳስባለን!
  6. ኤጄቶ ያለፈቃዱ በደቡብ ክልል የታጨቀን ጭቁኑን የሲዳማን ሕዝብ ነጻ ለማውጣት፣ የሕዝቡን ሕገመንግሥታዊ መብት ለማስከበርና ለማስጠበቅ፣ የአካባቢውን ሠላም ለመጠበቅ ተግቶ የሚሠራ አካል ነው። “ጥያቄያችን ሕገመንግሥታዊ፣ ትግላችን ሠላማዊ” በምል መሪ ቃል ትግሉን የጀመረው ኤጄቶ በሠላማዊ ትግል ፍጹም የሚያምንና የሲዳማ ሕዝብ ሕገ መንግስታዊ መብቱ ሙሉ በሙ እስከሚረጋገጥ ድረስ በሲዳማ ሕዝብ ጎን በመቆም ታርካዊ ግደታዉን ለመወጣት በጽናት እየታገለ ያለና ከዝህ ዓላማዉ ላንድ ደቂቃም ፍንክች የማይል ነዉ። ስለዝህ ለሌብነት ሩጫ ኤጀቶ እንቅፋት ስለሆነባችሁ ኤጀቶን በተለያየ መልኩ ዓላማ ባደረገ ዘመቻ ላይ የተሰማራችሁ አካላት ህልማችሁ የማይሳካና የቀን ቅዥት መሆኑን ተረድታችሁ እጃችሁን ከኤጄቶ ላይ እንድታነሱ አጥብቀን እናሳስባለን!

ድል ለጭቁን ሕዝብ!

ኤጀቶ

ጥር 3 ቀን 2011

ሐዋሳ

Kaajjado Dhaansa Sidaamu Dagara

breakingfreeSidaamu daga dagase kiironni, dhaggesenni, balchoomu budisenni, miinju miccisenni Itophiyaho afantanno daga giddo jawa dagaati.

Tini jawa daga gashshootu xagare maa’niseenna manaadda daga geeshshi su’manna duuchu ragi lopho diafidhino. Albi sharronna bareende noowa heedheenna, xaa ilamano hakko ayyaana adhite Sidaamu Itophiyaho miinjunni, polotikunninna dagoomitte lophonni leella hasiissannosi deerriwa gotti assate sharrama hanaffunkunni yanna yannitino.

Tenne sharrote giddo muxxe manninke lubbo baantoommo; sadanke hunnanna wolapho wolsine cincinoommo; jajjinkeno baino; dikkonkeno giirantino; xaano sharrono baantanni waagino diuurrino. Ninkeno hendoommowa di”iillinoommo.

Tenne giddo giddoonninna gobbanni duucha jifo iillitinonke. Giddoti hinge layi’nannita ikkitanna gobbaaditi wolqisse noonke. Duucha diro wolaphate meddinsoonniti Sidaamu sharro addi addi korkaatinni gufidhanni keeshshitinonke.

Xa kayinni amandoonniti ayimmate sharro gafa gantanno gede Ma‘linanniwa, Masaa‘linanniwa dagge no. Konnira EjjeettoGobbate_geerraMooteGa‘ronna Geelo Hawaasira woshshidhino.

Sidaamu_Geerri, Moote, Ga’ronna Geelo muli barra Hawaasa xaadde gobbate ikkanni noore masaaltanno yine agarranni. Ikkinohurano, woshshattote barra geerrunni malle techo ga’a yinikkinni egensiishshunni xawinsanniha ikkanno; baalunku hakka geeshsha keeraancho sharronke kaajjinshe, afiinkenni busha fultannokki gede qoropho assino.

Ejjeetto

30/4/2011

Qeelle_Dagankera!
Hawaasa_Sidaama_Itophiya